Xunta de Galicia Voluntariado Dixital

Inicio > A Rede > Novas

Xornada sobre deseño para todos no fogar dixital


  • Analizouse como as solucións tecnolóxicas vinculadas á domótica poden potenciar a autonomía persoal dos que teñen discapacidade.

  • Faise necesario apostar pola accesibilidade universal, especialmente tendo en conta o envellecemento poboacional.

Versión para impresiónSend by email
Santiago, 29/05/13 (11:24)

O salón de actos do Edificio C da ETSI de Telecomunicación da Universidade Politécnica de Madrid (UPM) acolleu o pasado luns a Xornada 'Tecnoloxía e Deseño Para Todos: Visións para a Arquitectura e o Fogar Dixital'. Durante o encontro, distintos relatores abordaron como as solucións tecnolóxicas vinculadas á domótica poden potenciar a autonomía persoal dos que teñen discapacidade.


A Xornada, organizada no marco do Máster de Domótica e Fogar Dixital da UPM, tiña como obxectivo último mostrar as posibilidades da incorporación da tecnoloxía nos espazos habitables para mellorar a calidade de vida das persoas e potenciar a súa autonomía, especialmente das que teñen discapacidade.


O primeiro relator en intervir no marco da xornada foi o presidente de FAMMA, Javier Font. Font reiterou que non se debe facer nada para as persoas con discapacidade sen contar con elas". Tras reparar nesta premisa clave, "que moitas veces non se ten en conta", indicou, o presidente da Federación fixo referencia á necesidade de apostar pola accesibilidade universal, especialmente tendo en conta, apuntou, o envellecemento poboacional que presentará o noso país "dentro dun par de décadas".


O presidente de FAMMA, así mesmo, mencionou a normativa vixente sobre os dereitos do colectivo, como a Convención Internacional da ONU sobre os Dereitos das Persoas con Discapacidade, para indicar que, no colectivo, pasamos da caridade a "esixir dereitos". Fixo mención á necesidade de que se difundan as virtudes e vantaxes que ten a utilización da tecnoloxía para o colectivo e, por último, apuntou cales deben ser os principios do Deseño Universal. 


O seguinte en tomar a palabra foi Diego Soriano, xerente de proxectos da Fundación CENTAC (Centro Nacional de Tecnoloxías da Accesibilidade). Indicou que "non" se deben deseñar tecnoloxías para as persoas con discapacidade, senón para que poidan ser usadas por calquera persoa, teña ou non discapacidade". Durante o encontro interviñeron tamén Nair Alcocer, representante da empresa Adom-autonomía; Enrique Costa, co-director do Proxecto Accegal e Profesor do Grupo TGI da Escola de Enxeñaría de Telecomunicación da Universidade de Vigo; Iciar de las Casas, arquitecto e socio de DLC arquitecturas e David Cohn, crítico de Arquitectura.


CENTAC


O Centro Nacional de Tecnoloxías da Accesibilidade (CENTAC), é unha organización cuxo obxectivo é promover o desenvolvemento das tecnoloxías de accesibilidade en todos os ámbitos posibles, co fin último de facilitar a integración social a igualdade no acceso ás Tecnoloxías da Sociedade da Información, e en conclusión, de mellorar a vida de todas as persoas con discapacidade, dependentes e a das súas familias. 

Tema: Xeral
Fonte: CENTAC
Xunta de Galicia
© Xunta de Galicia. Información mantida e publicada na internet pola Xunta de Galicia
Atención á cidadanía | Accesibilidade | Aviso Legal | Mapa do portal