Xunta de Galicia Voluntariado Dixital

Inicio > A Rede > Novas
Inauguración da exposición sobre os Premios María Josefa Wonenburger.

A Xunta aposta por visibilizar e dar a coñecer a actividade das mulleres galegas referentes no ámbito da ciencia e a tecnoloxía

Versión para impresiónSend by email
Lalín, 18/10/19 (15:30)
  • A secretaria xeral da Igualdade, Susana López Abella, inaugurou hoxe a exposición sobre os Premios María Josefa Wonenburger no Concello de Lalín

A secretaria xeral da Igualdade, Susana López Abella, inaugurou hoxe a exposición sobre as premiadas dos Premios María Josefa Wonenburger que alberga o vestíbulo da Casa do Concello de Lalín. O Goberno galego aposta coa elaboración desta mostra por visibilizar e facer chegar á sociedade as contribucións das mulleres galegas referentes na ciencia e na tecnoloxía que se adiantaron ao seu tempo e polas que foron merecedoras do premio que concede a Xunta.

A Xunta, a través da Unidade de Muller e Ciencia, outorga anualmente este galardón que recoñece o traballo das mulleres que dedican a súa vida profesional a algún campo da ciencia ou a tecnoloxía. O Premio María Josefa Wonenburger recaerá este ano na catedrática de Farmacia Mabel Loza.

A Unidade de Muller e Ciencia creouse co obxectivo de incrementar a presenza das mulleres galegas nos ámbitos científico e tecnolóxico e de situar nun primeiro plano a perspectiva de xénero na actividade científica. Entre outras iniciativas, instaurou o premio María Josefa Wonenburger para resaltar as traxectorias relevantes de mulleres nos eidos da ciencia e da tecnoloxía.

O Premio leva o nome da investigadora e matemática galega María Josefa Wonenburger, unha auténtica pioneira e referente feminino internacional nas ciencias e unha científica adiantada ao seu tempo.

Tema: Xeral
Fonte: Xunta de Galicia
Xunta de Galicia
© Xunta de Galicia. Información mantida e publicada na internet pola Xunta de Galicia
Atención á cidadanía | Accesibilidade | Aviso Legal | Mapa do portal