A Axencia para a Modernización Tecnolóxica de Galicia (AMTEGA), a través do Programa Voluntariado Dixital, acaba de lanzar a liña estratéxica de traballo de "Tecnoloxía para a Inclusión Social".
Co obxectivo de amosar diferentes boas prácticas relacionadas con esta materia, organízase esta xornada o próximo 23 de novembro de 2012, para contribuír ao coñecemento da realidade social, e ao prantexamento da utilidade e da idoneidade das TIC como complemento e solución a determinados problemas sociais.
Data: Venres, 23 de novembro
Horario: 09:45 - 14:30 horas
Lugar:Edificio CERSIA. Alcalde Raimundo López Pol, s/n (San Lázaro), Santiago de Compostela.
Destinatarios: Entidades de acción social, empresas TIC, representantes da administración e en xeral persoas interesadas do mundo social, solidario e TIC.
Obxectivo: Crear puntos de encontro e debate, onde se dean a coñecer solucións tecnolóxicas do ámbito social desenvolvidas por empresas TIC galegas, para difundilas entre as entidades de acción social de Galicia.
Para formalizar a inscrición poden facelo a través do correo electrónico voluntariadodixital@xunta.es, antes do xoves 22 de novembro de 2012.
Rexístrate como:
