O presidente do Goberno galego, Alberto Núñez Feijóo, destacou e gabou hoxe a colaboración de voluntarios, de empresas tecnolóxicas e de entidades e asociacións de acción voluntaria para acadar a plena dixitalización de Galicia; “a implicación, en definitiva, dos máis de 700 aliados dixitais para que ningún galego nin ningunha galega perda o tren da sociedade dixital” e para que na terceira década do século XXI, todos os galegos estean capacitados para aproveitar as oportunidades que brinda este contexto.
O Día Mundial das Telecomunicacións e da Sociedade da Información apela este ano ao “Espírito empresarial do sector TIC en aras do impacto social” para destacar a importancia do sector tecnolóxico como un elemento chave da nova economía dixital. Unha nova realidade económica, que ten o seu epicentro na Rede, e que promove novos modelos de negocio que priman elementos intanxibles como o coñecemento, a información ou a innovación para crear valor á sociedade.
Os interesados terán 60 días desde este mércores 18 de maio para presentar as solicitudes, que terán que ir acompañadas dunha memoria explicativa, por duplicado, do conxunto de investigacións e traballos polos que se opta aos premios, cunha extensión entre 30 e 50 páxinas.