• A Fundación Vodafone España incentiva o desenvolvemento e a innovación nas TIC outorgando tres premios dotados con 15.000 euros cada un
• O prazo de presentación de proxectos finaliza o 13 de maio de 2018

A Fundación Vodafone España convoca a 'XII Edición dos seus Premios Vodafone á Innovación' co obxectivo de promover e desenvolver proxectos de innovación en TIC accesibles para mellorar a calidade de vida de grupos vulnerables.

A finalidade desta convocatoria é apoiar a aparición de servizos innovadores, especialmente dirixidos ao beneficio dos devanditos grupos, que poidan ter unha ampla repercusión polo seu interese, novidade e potencialidade na promoción da transformación dixital.

• Premio Accesibilidade TIC: outorgarase un premio a un proxecto tecnolóxico, desenvolvido en calquera soporte (app. web, plataforma'), dirixido á promoción da autonomía persoal e a mellora da calidade de vida das persoas con discapacidade. As solucións presentadas deberán ser de aplicabilidade a un ou a varios tipos de discapacidade (sensorial, cognitiva, física'), indistintamente.
• Premio Solución social TIC: o premio recoñecerá ao proxecto que presente a mellor solución de amplo impacto social e para calquera ámbito, que non sexa elexible na categoría anterior. Poderanse presentar proxectos de innovación tecnolóxica desenvolvidos en calquera soporte (app, web, plataforma'). Terán que terminar a súa fase de definición e estar listos para comezar a súa fase de execución, ou comezala xa na data de entrega. 
• Premio á Traxectoria no uso das TIC: esta categoría supón un recoñecemento especial a persoas, entidades ou institucións públicas ou privadas que utilizasen a tecnoloxía en proxectos de grande impacto social. Os candidatos serán propostos exclusivamente pola Fundación Vodafone e/ou polo xurado.

Os premios están dotados con 15.000€ cada un e unha escultura conmemorativa; e as dúas primeiras categorías, ademais, con presenza no Mobile Wold Congress 2019 e participación nos obradoiros de formación do CDTI.

A estes premios poden presentarse proxectos desenvolvidos en España durante 2017 e ata a data da convocatoria. O prazo para a presentación de proxectos estará aberto ata o 13 de maio de 2018.

As Bases desta edición, o formulario para presentar candidaturas e as instrucións para facelo están dispoñibles en www.fundacionvodafone.es/premios/premios-innovacion .

Un xurado formado por personalidades da Administración, a investigación e a empresa valorará o carácter innovador da solución, o público obxectivo que se podería ver beneficiado pola solución, a súa viabilidade e a súa accesibilidade. O fallo do xurado notificarase antes do 30 de xuño de 2018.