Dende o luns día 8 de xullo calquera persoa xorda que necesite informarse de temas sociais, educativos e laborais poderá poñerse en contacto, a través do sistema BILDTEC, cun Axente de Recursos sociais, mediante un banner situado na web da FAXPG.

Este sistema permitirá a calquera persoa xorda obter información sobre recursos ou consultar calquera dúbida simplemente dispoñendo dun ordenador con acceso a internet.

O Axente de recursos sociais atenderá todas as demandas formuladas e, no caso de ser necesario, derivará ás persoas os servizos específicos que ten a FAXPG como son o Servizo de Atención a persoas xordas, Formación e orientación educativa e Servizo Público de Emprego.

Este servizo ponse en funcionamento por primeira vez en Galicia grazas á colaboración de Fundación Repsol.