O proxecto e-VOC capacítate para avaliar competencias

Móveste no ámbito do social?  Interesaríache aprender a recoñecer o traballo que realizan as persoas voluntarias da túa entidade? Se a túa resposta é si, xa podes inscribirte no curso de formación  online de e- VOC, que serve para avaliar competencias no voluntariado.

O e- VOC é o primeiro curso europeo de formación  online, aberto, gratuíto e multilingüe que te capacita como  avaliador de voluntariado,  ten unha duración de 120 horas e está dividido nas seguintes unidades:

• UNIDADE 1: Introdución á validación de competencias no sector do voluntariado (15 horas)
• UNIDADE 2: O Marco Europeo de  Cualificaciones,  ECVET,  ECTS, e as principais ferramentas de validación europeas (45 horas)
• UNIDADE 3: Desenvolvemento e implementación de sistemas para a validación dos resultados de aprendizaxe adquiridos na actividade voluntaria (45 horas)
• UNIDADE 4: Seguimento, avaliación e mellora dos sistemas implementados para a validación dos resultados de aprendizaxe adquiridos na actividade voluntaria (15 horas).

As unidades poden realizarse de forma independente ou ben pode facerse o curso completo; no segundo caso obtense un Certificado de Participación ao finalizalo. Para acceder ao curso podes entrar en www.e-voc.eu [3]. Rechea e envía o formulario de inscrición. De forma inmediata recibirás un  mail, coa ligazón ao curso de formación.