Curso gratuíto en liña para mellorar a saúde coa tecnoloxía

• Varias entidades organizan un taller na internet para maiores que queiran coidarse usando aplicacións para móbiles ou tablets

A Federación Galega de Asociacións de Universidades Senior (Fegaus), a Fundación Vodafone e Ágora Tecnoloxía, co apoio de CeMIT, Canal Senior e a Xunta de Galicia, organizan un curso emitido en directo por Internet, gratuíto, para persoas maiores que queiran mellorar a súa saúde utilizando a tecnoloxía.  Será o venres 27 de outubro entre as 11.00 horas e as 12.30 horas. 

Como explican os seus responsables, "existen moitas aplicacións para os nosos teléfonos móbiles, tabletas e os novos reloxos intelixentes que poden axudarnos no coidado da nosa saúde".

Precisamente neste curso poden coñecerse, de forma práctica e útil, diversas aplicacións gratuítas relacionadas coa saúde e que farán a vida máis fácil, cómoda e saudable.

Contidos do curso

• Como solicitar unha cita médica por Internet.
• Aplicacións que nos avisan de cando tomar os nosos medicamentos.
• O teu teléfono móbil como adestrador persoal para controlar o exercicio físico.
• Funcións e usos dos reloxos intelixentes como recurso para medir os nosos paseos, controlar o ritmo cardíaco e moito máis.

Para realizar o curso só hai que inscribirse nesta ligazón.  [3]