A dixitalización creará 1,25 millóns de empregos en España

Randstad Research prevé que a dixitalización xere 1.250.000 empregos netos no próximos cinco anos no noso país. Desta cifra, 390.000 empregos son os denominados STEM puros (científicos, tecnolóxicos, matemáticos e enxeñerías); 689.000 corresponden a empregos inducidos, que darán soporte aos STEM; e 168.000 serán empregos indirectos. Randstad Research é o centro de estudos e análises do grupo Randstad en España, que dá traballo a 37.000 persoas cada día.

 

O 38% dos traballadores que se buscarán no futuro son «knowledge workers», é dicir, profesionais de alta cualificación con capacidades dificilmente duplicables. Séguelle, cun 35%, a demanda dos clasificados como «líderes», de perfís con múltiples

habilidades que guíen ás empresas en materia de innovación e desenvolvemento. Os traballadores técnicos, pola súa banda, ocuparán o 18% dos postos dispoñibles. Ademais, o 5% das ofertas irán destinadas a operarios que desempeñen actividades pouco cualificadas, segundo explicou o director de relacións institucionais da compañía, Luís Pérez.

 

Con todo, a cifra de 1,25 millóns de empregos netos «non é insensible» a posibles novas regulacións do mercado laboral, da fiscalidade e da educación, matizou o director de Randstad Research, Valentín Bote. «Ademais, o fenómeno é imparable. Eses empregos crearanse, sexa en España ou noutros países», engadiu.