A Fundación Vodafone España renova a súa colaboración coa Fundación CNSE para achegar as TICs ás persoas xordas

Con este acordo, poranse en marcha distintas iniciativas entre as que destaca a creación dunha app que a través da lingua de signos, favoreza a comprensión por parte das persoas xordas, de textos escritos.

Así mesmo, a Fundación Vodafone España seguirá contribuíndo á cobertura do servizo de videointerpretación SVIsual as 24 horas dos fins de semana, polo que os seus usuarios poderán contactar telefonicamente con quen o desexen e realizar xestións de forma autónoma tamén os sábados e domingos. Durante 2015 este servizo rexistrou máis de 7.500 chamadas na fin de semana, o que deixa patente a necesidade de reforzar esta franxa horaria. A iso, súmase a intención de implantar SVIsual en distintos escenarios, por exemplo, en contornas comerciais.

Outras das accións que se contempla no acordo, son a incorporación de intérpretes presenciais de lingua de signos española da Fundación CNSE nos actos e eventos organizados por Fundación Vodafone España e a mellora da accesibilidade da súa web a través da tradución a esta lingua de contidos e noticias de interese para as persoas xordas.