A aplicación 'soy cappaz' para persoas con discapacidade intelectual, galardoada cos premios Autelsi

O galardón concédese ao 'mellor proxecto de compromiso social e ambiental' para recoñecer os méritos e esforzos realizados polas entidades, persoas e institucións no campo das tecnoloxías da información e a comunicación.

'Soy Cappaz', que en cinco meses foi descargada por máis de 1.300 persoas, é unha aplicación gratuíta que nace como ferramenta de apoio para que as persoas con discapacidade intelectual poidan desenvolver a súa vida da forma máis independente posible.

A aplicación, desenvolvida por ámbalas fundacións, conta con catro funcionalidades, entre as que se atopa 'O meu Calendario', que reflicte as tarefas da vida cotiá e da contorna laboral do interesado, e 'Onde Estou'', que contribúe a que estas persoas realicen desprazamentos con maior autonomía e seguridade.

Ademais, a app permite acceder a vídeos demostrativos para saber como se poden realizar distintas tarefas, así como chamar por teléfono ás persoas da súa contorna cando necesitan axuda ou se atopan en situación de emerxencia.