A Fundación Telefónica pecha a 4ª convocatoria do seu Programa Think Big, no que animaba a mozos de toda España, de entre 15 e 26 anos, a que enviasen ideas e proxectos orientados a mellorar as problemáticas concretas da súa contorna. O premio da devandita convocatoria: aprender a facelas realidade e que terminen sendo un proxecto de éxito que lles beneficie a eles e a toda a comunidade.
Entre as máis de 700 ideas presentadas de ámbitos tan dispares como o medioambiente, a tecnoloxía, a arte e cultura, a educación..., Fundación Telefónica seleccionou como finalistas a 310 mozos de todas as comunidades autónomas. A partir de agora, e grazas a este programa que ten unha duración mínima de seis meses, contarán con formación específica en innovación, creatividade e emprendemento. Ao longo de todo o proceso, 290 profesionais de Telefónica con ampla experiencia actuarán como mentores persoais e, axudaranlles a desenvolver a súa idea e darlle forma para que consiga ver a luz.
O programa tamén conta con dotación económica, e nunha primeira fase os mozos recibirán 200? para comezar a poñer en marcha a súa idea, aos que se sumarán outros 200? cando completen a terceira fase do proxecto. Aqueles que queiran continuar con el poderán presentarse a unha última fase, máis dixital e social, para a que dispoñerán dun financiamento de ata 3.000€ e unha formación valorada noutros 3.000€, que lles permitirá consolidar a súa idea e facer o seu proxecto aínda máis grande.
Un dron para optimizar os cultivos, un implante para controlar o estado do sistema nervioso, unha plataforma para integrar nenos e maiores como método de aprendizaxe, unha máquina que le pegadas para reducir o consumo de alcol e tabaco en menores... son algunhas das innovadoras ideas.
