O robot de compañía de Toyota ponse ao día

Como non ía ser doutra forma nunha compañía gorda xaponesa, Toyota tamén ten unha división encargada de desenvolver robots. Hoxe topámonos coa segunda xeración do Toyota HSR - Human Support Robot -, que ten como principal cometido o de axudar a persoas con mobilidade reducida.

Acaba de ser presentado no Yokohama Human & Techno Land, unha feira orientada a produtos médicos e de saúde, con moitas melloras significativas con respecto ao anterior HSR. O robot responde a comandos de voz que se realizan nunha tablet, que de forma remota contrólao.

Onde HSR anda máis espabilado é á hora de coller cousas, movelas ou traelas ao usuario, que se pode pode atopar na cama, con mobilidade reducida.

O seu brazo robótico ten unhas 'garras' de dous dedos que lle permite recoller desde o chan, encima dunha mesa, ou accionar algún tipo de mecanismo, como poden ser unhas cortinas. A man conta coa súa propia cámara para o recoñecemento próximo dos obxectos.

A principal mellora no novo modelo está no rango de obxectos que pode manipular, desde unha cousa tan pequena como un lapis, até unha botella. Se o que necesitamos é que nos recolla un papel, ten a opción de utilizar un elemento que succiona.

Os seus creadores denomínano 'partner robot', ou robot de compañía, e é o segundo modelo desde que mostraron o anterior prototipo en 2012. A realidade é que as formas xerais e filosofía non cambiaron demasiado neste tres anos, pero melloráronse as posibilidades, e sobre todo, o prezo que custa crealo, que se viu reducido á metade.

O robot non é precisamente pequeno, así que necesitará o seu espazo para traballar. Ten unha altura de 1,35 metros na súa posición estendida, un diámetro de 43 centímetros, e un peso de 37 quilos. O máximo peso que é capaz de levantar é de 1,2 quilogramos.

A base permítelle realizar un movemento omnidireccional desde parado. O robot non é ningún atleta, desprázase como moito a 0,8 quilómetros por hora, pero para evitar maiores problemas, pódense establecer uns límites de actuación mediante unhas bandas magnéticas que se colocan no chan.