A Amtega celebra o 24 de marzo unha xornada para presentar o proxecto de Innovación Social Dixital “CeMIT-Innova”

A Axencia  para a Modernización Tecnolóxica de Galicia (Amtega), en colaboración con Fundetec, presenta o vindeiro martes 24 de  marzo o proxecto “CeMIT-Innova: Fomento da innovación social dixital”, nunha xornada que terá lugar a partir das 9:30 horas da mañá, no auditorio da Biblioteca da Cidade da Cultura.

O encontro CeMIT-Innova,está dirixido a explicar en que consiste este marco conceptual da innovación aos formadores e usuarios das aulas da rede CeMIT, voluntarios  dixitais, entidades e organizacións locais, de acción social, empresas e persoas ou organizacións interesadas na innovación social dixital.

Encontro CeMIT-Innova: Unha xornada para a innovación social dixital

A primeira parte da xornada, baixo o título ‘As aulas CeMIT, novos espazos para a innovación Social Dixital’, dedicarase á reflexión sobre o que significa a innovación Social Dixital e como levala a cabo.

Disertarán sobre este marco conceptual, Concepción Galdón, directora xeral de Pontes Global e Coordinadora de ‘Área 31’, espazo de innovación e emprendemento de IE Business School; e Ana Álvarez, consultora especialista en cambio e dinamización de espazos.

O segundo bloque do evento será o de exposición de casos de éxito, e presentaranse as experiencias ‘Fraguando a Diversidade’, proxecto do IES Antonio Fraguas (Santiago de Compostela) no campo audiovisual; ‘Emprega Oroso’, portal de emprego impulsado polo centro CeMIT e o concello e Oroso; e os traballos de ‘Espazo Arroelo’, espazo de coworking en Pontevedra.

O último bloque da xornada estará destinado á realización de talleres nos que, a través de dinámicas de grupo e utilizando técnicas de creatividade e ‘design thinking’, preténdese traballar na identificación de desafíos locais a resolver desde o enfoque da Innovación Social Digital.

VER PROGRAMA DA XORNADA [4]

A inscrición poderá realizala antes do día 23 de marzo, a través do seguinte link FORMALICE AQUÍ A SÚA INSCRICIÓN [2] e poderá seguirse co hashtag  #cemitinnova a través de twitter.