Dispoñible tamén para Android "Día a Día", un diario visual para persoas con autismo

Día a día [3], o diario visual pensado especialmente para persoas con autismo ou dificultades de comunicación, xa está dispoñible para os tablets e teléfonos con sistema operativo Android.

Desenvolvida pola Fundación Orange e BJ Adaptacións, a aplicación permite traballar de forma doada e intuitiva, dando moita relevancia aos elementos visuais e ofrecendo distintas opcións de personalización.

Descarga gratuíta para Android [4]

Exemplo de actividade en Día a díaDía a día consta dun sinxelo calendario no que é posible:

• Gardar e revisar as actividades realizadas durante un día, dunha forma visual e estruturada, engadindo imaxes, fotos, vídeos...
• Anticipar actividades ou eventos recorrentes no tempo que xa foron realizados e que se anotaron no diario.
• Fomentar a comunicación, a través das actividades realizadas.

Día a día engade, ademais, tras os comentarios dos usuarios, a nova funcionalidade de Compartir, coa que, a través de correo electrónico, se poden compartir cada unha das tarefas ou actividades de Día a Día. Esta función estará tamén dispoñible para o sistema operativo iOS.