13 Apps imprescindibles para que estudar sexa moito máis fácil

Coller apuntamentos unicamente en papel xa é historia. Agora o teu móbil pode resultar moito máis útil do que imaxinas á hora de estudar grazas á multitude de aplicacións que poderás descargar para levar ao día as túas clases e aprobar os exames.

O teu smartphone pode servirche para moito máis que utilizar apps para consultar o tempo que fará mañá, canto lle queda ao autobús para chegar á parada, editar fotos ou escoitar música. Se estás a estudar interesarache descargar algunha das aplicacións que che ofrecemos a continuación e con elas poderás escanear documentos, organizar as tarefas ou acceder a apuntamentos online e todo tipo de material educativo.

1. Organiza e optimiza o teu estudo con ExamTime [3]. Poderás obter e crear apuntamentos online, tests, mapas mentais, fichas de memoria, un calendario de estudos e compartilo cos teus compañeiros.
2. Mantén a concentración con SelfControl [4]. Permitirache bloquear determinadas webs ou aplicacións por un tempo determinado, para que non perdas o ritmo nos teus estudos.
3. Mellora a túa produtividade con Finish [5]. Esta aplicación servirache para crear tarefas a curto, medio ou longo prazo e xestionalas.
4. Leva ao día os teus horarios, as datas dos exames, o control das horas de estudo e as tarefas pendentes con Study Planner [6].
5. Captura os apuntamentos directamente do encerado. Con Share Your Board [7] poderás facer unha foto ao encerado e convertela en PDF.
6. Escanea os apuntamentos dos teus compañeiros coa cámara do teu móbil con CamScanner [7].
7. Accede a charlas de personalidades do mundo da tecnoloxía, a ciencia, a música, a educación ou dos negocios a través da app TED [8].
8. Sincroniza as túas notas e apuntamentos en tódolos dispositivos con Evernote [9].
9. Consulta Wikipedia na túa smartphone con Wikidroid [10].
10. Se es dos que se esquecen a calculadora científica en casa, podes levar sempre una no móbil con RealCalc Scientific Calculator [11].
11. Crea presentacións con movemento desde o teu smartphone con Prezi [12]. Unha alternativa ao clásico Power Point.
12. Se os idiomas non son o teu, non dubides en descárgate Babylon [13]. Un tradutor en liña para máis de 75 idiomas.
13. Obtén material educativo de universidades de todo o mundo e en diversos idiomas e accede a centos de cursos con iTunes U [14].