8 claves para o éxito dun proxecto social

O pasado martes 15 de xullo celebrouse o III Encontro Profesional para organizacións sociais do programa Talento Solidario da Fundación Botín e nesta ocasión contou un experto en emprendimiento social; Miquel de Paladella. Este catalán Cofounder e CEO de UpSocial deu as claves para o éxito de proxectos sociais, falou de bonos de impacto social e da capacidade de xerar cambios sociais desde o terceiro sector.

Para Miquel de Paladella, os maiores cambios que conseguiu xerar o terceiro sector foron a través da incidencia política. "O terceiro sector só non pode facer nada", asegurou. Por tanto, para conseguir atraer ás institucións políticas e conseguir financiamento é necesario:

• a) un obxectivo claro, concreto, factible e medible
• b) un obxectivo atractivo, potente e urxente
• c) que se teña un liderado xeneroso; dar para recibir
• d) comunicación constante entre todos os actores
• e) pensar en sumar aínda que se parta de actividades distintas.

Conseguir financiamento para un proxecto social non é unha tarefa sinxela, e unha maneira de solucionar este problema pode ser mediante os bonos de impacto social. "Son un instrumento onde gañan os investidores, o terceiro sector, as Administracións Públicas e sobre todo as persoas ás que se destine a iniciativa", explicou Paladella. O característico deste instrumento é que se consegue vincular o financiamento á obtención de resultados e que mediante o seu compromiso de pagar a cambio de resultados promóvese incentivar a participación de investidores privados no financiamento dos programas.

En concreto, os bonos de impacto social permiten: contratos de pagos por éxito con administracións públicas para financiar a prevención, "Investidores de impacto" que financian os programas de entidades e empresas orientados a conseguir os resultados acordados con administracións e recupérase o investimento ao cumprir os obxectivos

Para terminar este encontro, Miquel de Paladella expuxo as claves ou receitas para o éxito dun proxecto social:

1. Pensar en grande
2. Centrarse no problema, no reto e en crear valor
3. Ser honesto naquilo que un é bo
4. Que o rozamento xere o agarimo
5. Necesidade de hibridación; compoñente público, privado e ONG
6. Involucrar ao usuario no deseño
7. Medir,medir e medir os resultados
8. O tamaño non importa; a colaboración entre entidades pequenas multiplica