Familias e pemes das zonas máis illadas de Galicia poden solicitar ata o 30 de agosto as axudas da Xunta para contratar internet vía satélite

Ata o 30 de agosto familias e pemes das zonas con máis dificultades de cobertura da toda a Comunidade poden solicitar as axudas da Xunta para contratar Internet de banda larga vía satélite O programa, que vai pola terceira convocatoria, conta este ano cun investimento de 359.000 euros e permitirá achegar a banda larga a case 2.400 fogares e pequenas empresas que non dispoñan de acceso á banda larga de cando menos 2Mbps, mediante outra tecnoloxía.

Trátase dunha actuación do Plan de Banda Larga da Xunta de Galicia, para facilitar o acceso á Internet a todos os galegos. Desde o ano 2012 estas axudas beneficiaron a preto de 2.000 fogares e pequenas empresas, situados nas zonas máis illadas da Comunidade.

As axudas estanse a tramitar a través de 5 empresas operadoras de telecomunicacións acreditadas como entidades colaboradoras pola Xunta de Galicia: Duo Telecom, Eurona, Intermax, Quantis e Terrachá Technoloy.

Beneficiarios e importe das axudas

Os beneficiarios das axudas son fogares e empresas con enderezo en Galicia que non dispoñan de acceso á Rede, de cando menos 2Mbps, mediante outra tecnoloxía. O programa establece unha única subvención por enderezo destinada a sufragar os gastos de instalación así como o custo do equipamento do interior da vivenda ou empresa preciso para distribuír a sinal de banda larga, cunha contía máxima de 150 euros e condicionado á contratación dun servizo de cando menos 2Mbps cun período de permanencia de doce meses.

Os interesados en acceder a estas subvencións deberán contratar o servizo con algunha das 5 entidades colaboradoras acreditadas pola Xunta de Galicia, que ofrecen servizos de internet vía satélite de ata 20Mbps de velocidade de baixada. A alta de liña e o importe da tarifa do primeiro mes será asumido pola entidade colaboradora e, por tanto, gratuíto para os beneficiarios.

Este sector está composto principalmente por pequenas e medianas empresas de xeito que esta última liña do Plan contribuirá tamén a dinamizar a súa actividade.Con estas axudas a Administración autonómica busca avanzar un paso máis na equiparación da calidade de vida entre o rural e as contornas urbanas, axudando na fixación de habitantes e empresas no medio rural, e contribuíndo a mellorar a súa competitividade.

Cabe sinalar que Internet é chave na nova forma de relacionármonos coa Administración, facendo posible resolver xestións coa administración sen límites de tempo e espazo. Neste senso, estas axudas está permitindo que as pemes máis afastadas das redes de telecomunicacións tradicionais poidan realizar trámites administrativos a través da Internet, por exemplo, posibilitando o acceso das explotación agrarias ao servizo da Oficina Agraria Virtual.

O Plan reduciu en case un 90% os galegos sen cobertura na Comunidade

O Plan de Banda Larga facilitou o acceso a Internet mais de 700.000 habitantes dos 786.000 que carecían deste servizo en 2009. A día de hoxe, e grazas ao Plan, máis do 97% dos galegos xa dispoñen de acceso ao servizo de banda larga de calidade a través de redes fixas ou sen fíos.

O 3% restante dispón de cobertura de internet vía satélite sendo obxecto desta medida, que está destinada ás zonas da Comunidade máis illadas, dispersas e de orografía complicada, onde o acceso a Internet só é posible vía satélite.

As actuacións desenvolvidas no Plan lograron que Galicia reduza a fenda interna entre as zonas rurais e urbanas. En 2011 a diferenza media na dispoñibilidade de acceso á banda larga entre as provincias do interior e as do eixo atlántico pasou dun 15% a un 5,5%, e grazas ao plan en 2013 esta porcentaxe diminuíu a menos do 2%.

Datos de contacto das empresas

• Duo Telecom

web : www.duoteleco.es [3]
Telf: 900 373 514 e 986 866 658
correo electrónico: info@duoteleco.es [4]

• Eurona

web: www.eurona.es [5] e http://www.eurona.net/Galicia/ [6]
Telf: 900 84 84 04 e 901 444 888
fax: 93 467 05 20
correo electrónico: soporte-operador@eurona.net [7]

• Intermax

web :www.redintermax.com
Telf: 900 866 972
correo electrónico: sat@intermax.com.es [8]

• Quantis

web : http://www.quantis.es [9] e http://www.bandalarga.es/ [10]
Telf: 900 102 504

• Terrachá Technology

web : www.terrachatechnology.es [11]
Telf: 800 00 77 03
correo electrónico: terrachatechnology@gmail.com [12]