Iconos hápticos ou como deseñar aplicacións que facilitan aos invidentes ouso dos seus teléfonos móbiles

Para iso, os científicos implementaron as denominadas iconas hápticas para que os usuarios poidan identificar as alertas das aplicacións e mellorar a exploración da pantalla servíndose do tacto. A diferenza deste sistema co tradicional baséase en crear un código no que o usuario asocia unha función do teléfono cunha vibración que segue un patrón determinado. Así, estímulos vibrotáctiles asócianse a significados. "Supón unha especie de linguaxe vibratoria onde, por exemplo, se asocia un son que emula un zunido de abella a unha alerta de whatsapp", explica Pedro Galdón, un dos responsables deste estudo que xunta tacto e tecnoloxía.

Para comprobar a utilidade do novo sistema, os investigadores acometeron probas onde persoas invidentes da Fundación ONCE e outras sen ningunha discapacidade usaban as iconas hápticas. "Comparamos o rendemento e a satisfacción dos usuarios con diferentes capacidades visuais. Observamos unha maior taxa de recoñecemento e experiencia para as persoas con discapacidade visual que para os usuarios sen discapacidade", expón.

Polo tanto, as persoas con discapacidaderecordan e recoñecen mellor as iconas hápticos que os usuarios sen discapacidade. Ante os resultados positivos e considerando a utilidade que podía reportar a este colectivo, Galdón e o seu equipo desenvolveron dúas aplicacións para mellorar a experiencia dos usuarios de teléfonos intelixentes coa axuda destas iconas que mesturan vibración e tacto.

Por un lado, a aplicación HAPP pretende que se identifiquen as alarmas procedentes das distintas aplicacións instaladas no móbil diferenciadas a través de vibracións que seguen un patrón, un ritmo, que permite distinguilas e memorizalas. Pola súa banda, a aplicación EXTENSIÓN persegue localizar dunha forma máis áxil as iconas distribuídas na pantalla do teléfono.

Ambas as dúas aplicacións probáronse con persoas con discapacidade visual e sen ela, dende as etapas de deseño, para mellorar a usabilidade. Esta é precisamente unha das novidades fronte a outras aplicacións que son testadas por usuarios aos que se lles vendan os ollos, por exemplo. "Os invidentes traballan cunha maior sensibilidade e implicación porque as aplicacións van destinadas a mellorar a súa rutina", recoñece Galdón.