HackForGood 2014

HackForGood 2014 [3]vai reunir tres días máis de 600 hackers en 10 cidades. Na edición deste ano hai 3 temas focais: Innovación, Educación e Emprego.

O obxectivo é xuntar persoas do mundo da tecnoloxía, a programación, o deseño con persoas do mundo social para traballar na resolución de retos sociais.

@Hack_ForGood [4] #h4g [5] #HackForGood [6]

Que é h4g?

A tecnoloxía pode axudar a satisfacer moitas necesidades sociais e HackForGood é un hackathon centrado na innovación social, onde se desenvolverán novas ideas, servizos ou aplicacións que axuden a resolver problemas sociais, satisfacendo necesidades existentes, creando novas comunidades, desenvolvendo colaboracións entre institucións publicas, privadas e terceiro sector, etc. Todo o que contribúa a crear un mundo mellor.

Este ano céntrase en tres fíos temáticos: Innovación, Educación e Emprego, aínda que esta aberto a calquera tema relacionado coa innovación social.

As aplicacións poderanse desenvolver individualmente ou por equipos, valorándose especialmente a formación de equipos multi-disciplinares que inclúan todos os perfís necesarios para o desenvolvemento de servizos e aplicacións, tales como, técnicos, deseñadores, sociologos, psicólogos, etc

Na avaliación dos resultados considerásense factores como impacto, importancia do problema solucionado, creatividade, innovación, facilidade e baixo custo de despregamento, adaptación a multi-dispositivo e ao ecosistema de dispositivos móbiles, uso de software libre, uso de estándares abertos...

Algúns exemplos de necesidades sobre as que esperamos recibir Retos en HackForGood están relacionadas con:

• Mellora da Accesibilidade á web


• Mellora no acceso á Educación


• Mellora da Formación de mestres e titores en lugares desfavorecidos


• Mellora dos Mecanismos de participación no ámbito público


• Aplicación das Novas Tecnoloxías para a mellora do tratamento das minusvalideces visuais, auditivas e cognitivas


• Novos servizos para a Atención domiciliaria


• Sistemas de Telemedicina e Teleasistencia


• Mellora e adaptación dos Servizos de Compra online


• Mellora dos servizos de Acceso ás administracións públicas

Moi pronto máis información sobre o programa, inscricións e todos os detalles desta nova edición.