e-Mintza, o comunicador pictográfico para persoas con autismo, dispoñible para ipad

e-Mintza, o comunicador pictográfico para persoas con autismo, con máis de 50.000 descargas en distintos sistemas operativos, xa está dispoñible para iPad.

Descarga gratuita de e-Mintza para iPad [3]

e-Mintza presenta un taboleiro de comunicación con pictogramas ou imaxes e sons asociados que permiten unha comunicación directa e sinxela. O taboleiro é doadamente personalizable en canto á lingua utilizada, textos, imaxes, vídeos ou sons, en función das necesidades do usuario, quen poderá interactuar preferentemente a través dunha pantalla táctil nun dispositivo tipo tablet, pero tamén a través do rato no caso dunha pantalla de ordenador non táctil.

Nacido da colaboración entre a Fundación Orange e a Fundación Dr. Carlos Elósegui de Policlínica Gipuzkoa, permite que o usuario poida comunicarse con outras persoas mediante o uso de tecnoloxía táctil e multimedia, adaptándose doadamente ás necesidades dos seus usuarios. Así mesmo promove a súa autonomía a través dunha axenda personalizada.