O goberno estadounidense publica unha guía para regular o desenvolvemento de apps de saúde

A Food and Drug Administration dos Estados Unidos (FDA, polas súas siglas en inglés) publicou unha guía para desenvolvedores de aplicacións de saúde que provean funcións similares aos aparatos médicos tradicionais. A intención da axencia é regular as aplicacións móbiles que presenten un maior risco para os pacientes ou que non funcionan como deberían e ao mesmo tempo fomentar a innovación.

En concreto, a FDA quere regular aquelas apps que foron deseñadas para ser utilizadas como accesorios de aparatos médicos regulados, como por exemplo, aplicacións que permiten facer diagnósticos a distancia a partir dunha imaxe realizada ou enviada a través dun móbil.

Así mesmo, pretende regular aplicacións que transforman unha determinada plataforma móbil nun aparato médico como por exemplo, un electrocardiógrafo ou un medidor de glicosa.

Segundo a FDA, as aplicacións móbiles de saúde teñen o poder de transformar a atención sanitaria. Por un lado, permiten aos médicos realizar fóra do ambiente sanitario tradicional. Ademais, facilitan a moitos pacientes xestionar a súa saúde e benestar ao prover acceso a información útil e veraz dende calquera lugar.

A páxina de web da FDA achega  máis información [2], que está dispoñible unicamente en inglés.