'Oito apelidos cataláns', a comedia que está a triunfar na carteleira española, é accesible ás persoas cegas en calquera das súas salas de proxección nas que se estrea, a través da aplicación AudescMobile da ONCE e grazas ao proxecto Cinema Accesible de Fundación Orange e Navarra de Cine.

A secuela da comedia protagonizada por Clara Lago e Dani Rovira recadou máis de 7.5 millóns de euros no fin de semana da súa estrea e así, a cinta dirixida por Emilio Martínez Lázaro, converteuse na mellor estrea de 2015. Agora tamén as persoas cegas poden gozala.

As persoas con discapacidade visual poden seguir a película en calquera das salas que se exhiba a través de AudescMobile, unha app gratuíta que permite acceder á audiodescripción de películas, series e contidos audiovisuais. AudescMobile é unha aplicación desenvolvida grazas á colaboración e o traballo conxunto entre a ONCE e a Fundación Vodafone España e, grazas ao acordo entre a ONCE e o proxecto Cine Accesible, incorpora películas de estrea para gozar durante a súa permanencia en carteleira.

O proxecto Cinema Accesible de Fundación Orange e Navarra de Cine é unha iniciativa destinada a propiciar que as persoas con discapacidade sensorial acudan ao cinema nas mellores condicións posibles, neste caso con audiodescripción para as persoas con discapacidade visual e tamén con subtítulos específicos con códigos de cores para as persoas con discapacidade auditiva.

Con máis de 120 películas de estrea accesibles nos últimos anos, o proxecto conta con programación estable en cinemas da Coruña, Bilbao, Madrid, Málaga, Palma de Mallorca, Pamplona, Zaragoza, Valencia e Valladolid, onde as salas inclúen, así mesmo, bucles magnéticos permanentes para que as persoas con discapacidade auditiva usuarias de audífonos poidan escoitar o son da película de maneira limpa e clara.