A tecnoloxía intelixente transforma a vida das persoas que viven con discapacidades

• Descobre como os novos dispositivos tecnolóxicos para o fogar proporcionan incribles beneficios para as persoas que viven con discapacidades

 

Para as persoas que viven con enfermidades crónicas, xa sexa esclerose múltiple, artrite ou calquera outra condición, a mobilidade reducida pode causar un gran problema á hora de levar a cabo tarefas diarias no fogar. As casas "intelixentes" poden aumentar incriblemente a accesibilidade e supoñer un cambio radical para as persoas con discapacidades. Presentámosche como.

---

Glosario:

• Aparellos intelixentes: Obxecto que se conecta con outros aparellos ou redes, normalmente permitindo controlalos desde un smartphone.
• Bridge ou "Modo de ponte": Dispositivo que se conecta a outros da mesma clase (como poden ser lámpadas) permitindo controlalos desde outro punto.
• Hub ou concentrador: Obxecto que se conecta a distintos aparellos intelixentes, producido por distintas manufacturas.
• Altofalante intelixente: Un altofalante que se conecta con outros dispositivos, como o teu teléfono, ou á rede. O micrófono dáche a oportunidade de controlalo todo coa voz.
• Sistema automatizado: Software que permite a automatización do comportamento de tecnoloxías intelixentes baseado en distintas condicións. Por exemplo, a luz acéndese cando un sensor detecta a unha persoa na habitación.

---

Que son as casas intelixentes?

É posible que escoitases falar do "Internet das Cousas". Refírese a obxectos físicos -desde coches a teléfonos ou aparellos do fogar- que teñen conectividade integrada. Estes obxectos coñécense normalmente como dispositivos intelixentes.

Un crecente número de obxectos básicos no fogar, como lámpadas ou fechaduras de portas, están a volverse "intelixentes". Un dos maiores beneficios, é que poden controlarse desde o computador ou smartphone - mesmo se non estás en casa.

Mentres que cada obxecto inclúe a súa propia app, se decides incorporar ao teu fogar distintos aparellos intelixentes, podes optar por un sistema que che permita controlalos desde un Hub (concentrador) central.

Ademais, podes engadir un altofalante intelixente. Ao incluír un micrófono que detecta comandos de voz, podes realizar todas as tarefas mencionadas cunha simple frase.

Se vives con algún tipo de discapacidade, esta tecnoloxía ten o potencial de facer da túa casa un lugar máis accesible e seguro.

 

Como pode a tecnoloxía intelixente axudar ás persoas discapacitadas?

Un fogar é un espazo incriblemente persoal e importante.

Cando unha discapacidade se converte nun impedimento para levar a cabo tarefas normais ao redor da casa, ou mesmo as imposibilita, é moi posible que te sintas frustrado ao perder gran parte da túa independencia.

O Internet das Cousas proporciona unha oportunidade para que as persoas con discapacidades volvan gañar o control que perderan.

Estes son algúns dos obxectos que están dispoñibles en versión intelixente:

• Termostatos
• Lámpadas
• Detectores de fume
• Fechaduras
• Timbres
• Asiparadoras
• Portas de garaxe
• Cortinas e persianas
• Detectores de monóxido de carbono
• Detectores de movemento
• Cámaras de seguridade
• Fornos

Parece incrible, pero as funcións de cada un destes obxectos pódense levar a cabo a través dunha aplicación do teléfono. Podes pechar as cortinas, apagar as luces, subir a temperatura do termostato e pechar a porta da casa en cuestión de segundos, utilizando simplemente a enerxía necesaria para tocar a pantalla do teu teléfono.

Aínda máis interesante; todas estas funcións pódense controlar con comandos de voz.

Para as persoas que viven con discapacidades, o feito de poder levar a cabo todas estas accións sen ter que depender tanto de amigos, familiares ou coidadores, proporciónalles unha gran independencia.

Ademais, tamén pode evitar a necesidade de facer cambios na casa -por exemplo reducir a frecuencia coa que cambiar unha lámpada- que poden necesitar cambios no futuro.

Á parte de incrementar a accesibilidade, os aparellos intelixentes poden aforrarche moitísima enerxía e acabar coa necesidade de realizar tarefas físicas. Calquera persoa familiar coa Teoría das culleres [3] valorará enormemente o poder aforrar o maior número de culleres posible.

 

Como funciona?

En primeiro lugar, e máis importante, necesitarás un smartphone para poder controlar todos os aparellos intelixentes.

 

• Conectarte co teu Smartphone

Cada dispositivo pode conectarse por Bluetooth ou a través do Wifi de casa. Aqueles que se conectan con Wifi, normalmente poden controlarse desde calquera lugar do mundo, a condición de que teñas acceso a internet.

A maioría dos dispositivos veñen cunha aplicación, a cal che permitirá controlar cada dispositivo desde o teu teléfono. Estas aplicacións adoitan estar dispoñibles para iPhone e Android.

 

• Pontes e Hubs

No caso dalgúns obxectos como as lámpadas, unha única aplicación pode controlar múltiples obxectos ao redor da casa. En sistemas máis avanzados, como Philips Hue [4], as lámpadas conéctanse a un dispositivo aparte (unha ponte) que se conecta á súa vez co seu teléfono. Isto mellora a funcionalidade e simplifica o seu uso.

De maneira similar, os termostatos intelixentes como os que ofrecen Nest [5] e Ecobee [6] poden conectarse con diferentes sensores da casa, proporcionándoche un maior control da calefacción.

Se queres utilizar distintos dispositivos intelixentes na túa casa e gustaríache controlalos todos desde unha única aplicación, necesitarás un Hub como Samsung SmartThings [7].

Os Hubs teñen a capacidade de conectarse cunha gran variedade de distintos produtos de distintas marcas, o que é moi útil e aforrarache a necesidade de ter que utilizar distintas aplicacións.

 

• Altofalantes intelixentes

Os altofalantes intelixentes [8] como Amazon Echo, Google Home ou Apple HomePod, teñen micrófonos incluídos, o que lles posibilita os comandos de voz. Este é o motivo polo que os altofalantes intelixentes vólvense fundamentais en calquera casa intelixente.

Actívanse cando escoitan o seu "nome" ou Alexa, OK Google ou Hei Siri respectivamente, para os altofalantes mencionados anteriormente e, ademais, escoitan os comandos.

Desde que os altofalantes intelixentes se volveron populares, unha das cousas nas que se centran é loxicamente a música, como o comando de Siri, Hei Siri, pon jazz, por exemplo.

Con todo, ao volverse un centro de control de comandos de voz para dispositivos intelixentes, a súa utilidade práctica non fai máis que medrar. Do mesmo xeito que preguntarlle a Siri se pode poñer jazz, poderías preguntarlle se pode acender as luces da habitación, pechar as persianas ou realizar calquera outra tarefa.

Isto non só mellora a accesibilidade se vives cunha discapacidade, senón que podería tamén salvar vidas en situacións nas que non sexas capaz de moverte e o teu teléfono estea fóra do teu alcance, pero que grazas a un altofalante intelixente che permita contactar cos servizos de emerxencia ou cun ser querido que poida axudarche.

 

• Sistemas automatizados

Os sistemas automatizados, como IFTTT [9], que deriva o seu nome de If This, Then That, ou en galego, se isto, daquela iso, conéctanse con aplicacións que controlan os teus dispositivos intelixentes.

Por exemplo, se se detecta movemento no baño, acende as luces.

Como cos altofalantes intelixentes, determinados comandos teñen a capacidade de mellorar a funcionalidade dos teus dispositivos intelixentes, os cales poden mesmo salvar a túa vida.

Por motivos de seguridade, é posible que queiras recibir unha notificación no caso de que se detecte un movemento cando non estás na casa ou se se abre a porta durante horas determinadas.

Tamén podes activar as notificacións a través do teu teléfono ou cun comando de voz.

Hai centos de aplicacións e dispositivos intelixentes que son compatibles con estes servizos, o que fai que as posibilidades sexan infinitas.

Se tes un iPhone, o novo lanzamento de Apple Siri Shortcuts [10] é o servizo de automatización máis simple dispoñible ata o momento, e cada día son máis as aplicacións compatibles.

 

Onde debería empezar?

Aínda que os fogares intelixentes ofrecen enormes beneficios a moitas persoas que viven con discapacidades, poñer en funcionamento todos estes dispositivos pode ser unha tarefa complicada.

Moitas persoas comezan con termostatos e lámpadas. Son relativamente fáciles de instalar na maioría dos fogares, son útiles a diario e poden ser rendibles (a longo prazo, dispositivos eficientes poden mesmo aforrarche diñeiro).

Os dispositivos intelixentes menos populares, como as cortinas ou as persianas poden resultar particularmente útiles para as persoas con discapacidades.

De maneira similar, os timbres intelixentes a miúdo veñen cunha cámara incorporada, de modo que podes ver quen está na porta e decidir se responder ou non, sen necesidade de camiñar ata a entrada. Mesmo podes abrir a porta de forma remota. Para moitas persoas, isto pode ser unha simple comodidade. Pero para aquelas persoas que viven con discapacidades, pode supoñer un gran aforro de enerxía.

Por último, o control de voz que ofrecen os dispositivos intelixentes pode ser particularmente beneficioso en caso dunha emerxencia.

Sexa cal for o dispositivo(s) co que decidas empezar, hai moita información dispoñible en liña para axudarche a tomar a decisión correcta.

Se non estás seguro, sempre podes contar co asesoramento de expertos, hai especialistas que poden axudarche a decidir os produtos adecuados para ti e ofrecerche un servizo de instalación.

As casas nas que vivimos iranse volvendo máis intelixentes nos próximos anos, a medida que se vaian desenvolvendo as tecnoloxías e o prezo se reduza.

Para as persoas que viven con discapacidades ou con mobilidade reducida, os beneficios que a tecnoloxía intelixente ofrece poden marcar un antes e un despois no seu día a día.