A Fundación Vodafone España investirá máis de 250.000€ en proxectos de transformación dixital

A Comunidade 'Conectados pola Accesibilidade' impulsada pola Fundación Vodafone comunicou a lista dos proxectos elixidos na última convocatoria de Proxectos de Transformación Dixital para afrontar o reto da transformación dixital accesible aos colectivos con discapacidade.

O obxectivo desta nova edición é o de apoiar iniciativas baseadas na innovación tecnolóxica aplicada ás persoas con discapacidade, favorecendo a súa plena inclusión para así aumentar a súa participación social e a visibilidade destes colectivos.

Nesta oportunidade a convocatoria contou cun orzamento de máis de 250.000€ no que cada proxecto seleccionado recibirá ata 15.000€ de axuda para desenvolver o seu proxecto de transformación dixital.

Destacan, entre os seleccionados, proxectos que queren facerse valer da Realidade Virtual como ferramenta principal polos beneficios que esta tecnoloxía brinda ao usuario. Tanto para poder crear novas contornas e escenarios de estimulación sensorial, como tamén para realizar terapias de rehabilitación personalizadas.

Tamén se abordarán, mediante o desenvolvemento tecnolóxico, retos que teñen que ver co turismo accesible, a cultura accesible, a saúde e os dereitos das persoas con discapacidade.

Gañadores da edición 2017

Na edición anterior, os proxectos gañadores de entre os 22 que participaron foron:

• Trivial [3] ten por obxectivo reforzar os contidos curriculares do primeiro ciclo de primaria abordados na aula, traballando especialmente a estimulación dos procesos cognitivos básicos. Está dirixido a nenos con discapacidade intelectual.
• Defende os teus dereitos  [4]leva a cabo acciones formativas, a través da realización de apoios con usuarios, familias e profesionais ao redor dos dereitos das persoas con discapacidade.

Arquivos relacionados: