A fundación United Way chega a Pontevedra para axudar aos colectivos máis vulnerables

 

United Way trae a Pontevedra o know how e a experiencia desta fundación americana que, hai 130 anos, foi a precursora do que hoxe coñecemos como Responsabilidade Social Corporativa. O seu obxectivo na provincia será implicar a toda a sociedade no progreso do ben común e avanzar cara ao seu benestar, desenvolvendo iniciativas en tres grandes áreas de actividade: a educación, a seguridade financeira/ inserción laboral e a saúde. 

 

Fundada en Colorado (EE UU) por un rabino, un ministro, dous sacerdotes e unha ama de casa, United Way [3] está presente hoxe en máis de 40 países, cunha rede de 1.800 delegacións, máis de 60.000 socios, 9 millóns de doantes e 2.9 millóns de voluntarios. A fundación xestionou o pasado ano 5.000 millóns de dólares no desenvolvemento das súas actividades, que, ata a data, permitiron mellorar a calidade de vida de máis de 61 millóns de persoas.

 

United Way desenvolve actividades en España con algún dos seus socios corporativos internacionais desde 2013 e constituíuse como Fundación española no 2016. "O obxectivo "explica Marina Fuentes, a súa CEO en España" é seguir impactando localmente dunha maneira máis eficaz e traballar máis intensamente coas empresas españolas".

 

Para United Way, a educación, a estabilidade financeira e a vida saudable son os alicerces que permiten a individuos e familias alcanzar todo o seu potencial. "E a nosa misión para mellorar a súa vida "sinala Marnña Fuentes- é mobilizar ás comunidades e todo o seu potencial -organizacións públicas e privadas, empresas e outras entidades especializadas- ao redor do mundo, actuando localmente. A nosa fórmula é sumar, conectar e multiplicar".

 

En España, United Way é unha fundación sen ánimo de lucro que organiza e coordina os esforzos de empresas, entidades, institucións e particulares para levar a cabo proxectos sociais que melloran a vida das persoas que se atopan nunha situación vulnerable. Entre os seus socios españois figuran compañías como Lilly, John Deere, Lenovo, Airbus, Everis, Fundación Telefónica, Carburos Metálicos e Fundación Roviralta. Tamén colabora con entidades como YMCA, Save the Children, Fundación Desenvolvemento e Asistencia, Creática e Cruz Vermella entre outras.

 

No seu segundo ano de actividade como Fundación, a colaboración de United Way con once socios corporativos e entidades sociais mellorou a vida de preto de 1.300 nenos, novos e adultos, mobilizou a 163 voluntarios, que desenvolveron 2.655 horas de voluntariado, e doou case 100 equipos informáticos. 

 

Entre os seus proxectos destacan MEnCía Maiores en Compañía [4] "financiado por Lilly Ibérica" onde voluntarios de Desenvolvemento e Asistencia acompañan a persoas maiores en situación de soidade; Coding4all, financiado pola Fundación Maria Francisca de Roviralta, é un programa de formación en scracht e programación para mozos de etnia xitana; outro de formación en ciberseguridad, IT4all, para nenos e mozos que participan nos programa educativos de Save de Children e YMCA; o programa Youth Challenge, orientado a combater o abandono escolar dos mozos.

 

De cara ao futuro, United Way Pontevedra quere estender os seus proxectos a un maior número de persoas, acompañando ás entidades colaboradoras no seu gran labor, ofrecéndolles eficacia na xestión de proxectos a través da creación de sinerxias que permitan o empoderamento das poboacións coas que traballamos. Así mesmo, ampliará a súa rede de socios corporativos, poñendo foco nos socios que forman parte de United Way Global Corporate Leadership, traballando a través das United Way locais coas empresas que colaboran coa Fundación a nivel global.

 

"Queremos converternos nun axente de cambio para o éxito educativo en España, desenvolvendo proxectos con grande impacto nas comunidades, promovendo o voluntariado e empoderando aos mozos para que actúen sobre o seu futuro", indica a CEO de United Way.

 

Entre os novos proxectos destacan Tech4Change, desenvolvido grazas a Everis e coa colaboración de Creática para implementalo o curso escolar que vén e que promoverá Obxectivos de Desenvolvemento Sustentable (ODS) mediante a utilización de prototipos informáticos para dar solución a problemas reais que os escolares escollen. Pola súa banda, Youth Empowerment, co apoio da Fundación Telefónica e da man de Design for Change, potenciará o pensamento creativo e emprendedor dos mozos.