Douro presenta dous terminais que buscan 'pechar a fenda xeracional'

Doro, compañía de telefonía para usuarios maiores de 65 anos, presentou no Mobile World Congress de Barcelona (MWC) dous novos teléfonos móbiles que "facilitarán a vida aos Seniors, así como aos seus familiares e seres queridos", asegura a propia empresa. Por unha banda, o novo 'Doro 8035', un smartphone "de fácil uso que guía ao usuario paso a paso para que este o poida personalizar en función das súas necesidades específicas, e así sacar o maior proveito das características avanzadas do dispositivo". O teléfono, engaden, "conta cun nivel de son alto e claro, así como unha app que permite aos amigos e familiares configurar o teléfono en remoto ou axudar ao usuario no caso de que xurdan dúbidas en relación ao seu uso". 

 

Por outra banda, tamén chega á feira deste ano, 'Doro 7060', un teléfono móbil plegable que combina "a intelixencia dun smartphone co deseño da telefonía móbil tradicional". O fabricante, de orixe sueca, a través de Doro 7060, ofrecerá ao usuario un dispositivo que presenta, tanto as características que sempre se asociaron á súa marca, como o soporte para o estándar Voice sobre LTE (VoLTE) e apps intelixentes como Facebook ou Whatsapp.

 

 

Segundo recentes estudos, a penetración da telefonía intelixente nos usuarios españois maiores de 65 anos é similar á do conxunto da poboación e, tamén aumenta a diversidade de características que demanda este segmento. Doro vai máis aló e afirma que, a teor dos seus estudos internos, o 46% dos usuarios de idade avanzada senten inseguros á hora de adoptar novas tecnoloxías, en cambio, outros xa están máis afeitos ao seu manexo e, buscan unhas funcionalidades máis sofisticadas. Tamén varían as necesidades dos usuarios, por exemplo, en función do seu estado físico, nivel de perda de capacidade visual ou auditiva. 

 

O 82% dos seniors teñen problemas de vista, o 29% de audición, e o 43% experimenta problemas coa suxeición ou o manexo dun teléfono móbil. "A maioría dos smartphones de gran consumo non se adaptan ben ás necesidades dos nosos maiores, e isto provoca que, a pesar de dispoñer de smartphone, moitos dos usuarios non poidan aproveitar todas as vantaxes que estes terminais ofrecen", indican desde a empresa.

 

Robert Puskaric, conselleiro delegado e presidente de Doro, afirma que "sabemos que moitos usuarios de idade avanzada queren dar o paso cara á adopción da telefonía intelixente e, isto débese, a que cada vez están máis afeitos a acceder ás mesmas ferramentas e apps que acceden os seus fillos e os seus netos e, por tanto, non queren perder o tren das novas tecnoloxías". Os lanzamentos que fixo Doro neste congreso, "axudarán a pechar a fenda xeracional", conclúe. 

 

 

Para poder dar resposta ás diferentes necesidades, Doro 8035 conta con alternativas de interface e de navegación. Ao iniciar o teléfono por primeira vez, o terminal guía ao usuario para que poida elixir o deseño que mellor se adapte aos seus requirimentos. En modo ‘extra fácil', os usuarios con escasa ou ningunha experiencia cos smartphones, "poderán utilizar unha interface altamente intuitiva e á vez o suficientemente completa para facilitar as principais vantaxes dun smartphone", sosteñen os representantes da compañía. 

 

Para unha maior sofisticación pódese utilizar o ‘perfil estándar', que presenta unha maior similitude ao interface clásico de Android, pero con características do ADN de Doro, tales como: texto e iconas grandes e de alto contraste, botón intuitivo que permite ao usuario realizar accións rápidas predeterminadas, como chamar ou escribir aos seus familiares ou amigos.

 

Doro 8035 tamén incorpora a funcionalidade Team Viewer, que prové aos amigos e familiares seleccionados polo usuario do acceso e control remoto do dispositivo, co obxectivo de ofrecer apoio a distancia, en caso de ser necesario. Esta funcionalidade tamén está dispoñible a través de www.myodoromanager.com [3], unha páxina web a través da cal se pode acceder directamente ao smartphone. 

 

Doro 8035, comentan na entidade, "está deseñado a medida das necesidades demandas polo target senior, presenta: son alto e claro, fácil suxeición, robustez, un botón de aviso para casos de emerxencia, e tres botóns físicos. En definitiva, todas aquelas características que definen a Doro e que son moi valoradas por usuarios de todo o mundo, por exemplo, a solución SmartCare by Doro". 

 

Con Doro 7060, o novo terminal funcional, o usuario "disporá dun dispositivo plegable de fácil uso e de cuarta xeración con soporte para o estándar VoLTE". Este novo teléfono ten unha pantalla grande de 2,8 polgadas e un identificador de chamadas externo a través dunha pantalla de 1,44 polgadas. Ademais de incorporar teclas grandes e espaciadas, o teléfono conta cun botón físico para sacar fotos, un botón de aviso para casos de emerxencia e dispón de acceso remoto a través de mydoromanager.com.