- Máis Social é un programa innovador da Fundación Barrié, dirixido ao fortalecemento do Terceiro Sector, a través do cal, desde o ano 2011, facilita ás entidades sociais medios e estratexias enfocadas a optimizar a súa xestión e promover un modelo de acción social economicamente sustentable.
- A convocatoria Máis Social 2018-2019 ofrece 65 prazas orientadas a reforzar a comunicación externa das entidades non lucrativas galegas de acción social, distribuídas en varias liñas de apoio: Formación de 42 horas para mellorar as competencias de xestión da comunicación dixital (40 prazas); Servicios profesionais de mentoring de 48 horas para coñecer e practicar as funcións de Community Manager (10 prazas); Asistencia técnica para a implementación de páxinas web corporativas de 235 horas con impacto social a través do modelo de web Conecta (5 prazas) e Consultoría de 1 ano para o desenvolvemento de plans de comunicación externa (10 prazas).
- O prazo de solicitude está aberto desde o 22 de febreiro ao 16 de marzo de 2018, ambos os incluídos.
- 109 entidades de acción social e sen ánimo de lucro galegas e de ámbito nacional (confederacións, federacións, asociacións, fundacións…) beneficiáronse dos diferentes servizos facilitados polo Programa Máis Social desde a súa posta en marcha en 2011, o que lles permitiu optimizar a súa capacidade financeira e de xestión, potenciar a súa utilidade pública e aumentar a súa transparencia para a sociedade.
- Con esta convocatoria a achega da Fundación Barrié ao Programa Máis Social ascende a máis de 3.700.000 euros (2011-2018).
- A análise de impacto das primeiras dúas convocatorias pon de manifesto datos que avalan o cumprimento do obxectivo con indicadores tales como: o 70% das entidades alcanzan ou superan os seus obxectivos de profesionalización e sustentabilidade; o 60% das entidades elaborou ou actualizado o seu plan estratéxico; o 80% mellorou a súa web e presenza online e o 75% mellorou en transparencia.
A Fundación Barrié abriu o xoves 22 de febreiro, a quinta convocatoria de máis Social.
Máis Social, é un programa innovador da Fundación Barrié dirixido ao fortalecemento do Terceiro Sector, a través do cal, desde o ano 2011, facilita ás entidades sociais medios e estratexias dirixidas a optimizar a súa xestión e promover un modelo de acción social economicamente sustentable.
65 prazas para reforzar a comunicación externa das entidades non lucrativas galegas de acción social
O eixo da convocatoria Máis Social 2018-2019 oriéntase fundamentalmente a reforzar a comunicación externa das organizacións non lucrativas, por entender que a comunicación ten un valor estratéxico na xestión das organizacións e que a súa planificación é fundamental non só para mellorar a maneira de chegar aos seus grupos de interese, senón tamén para obter o pleno recoñecemento do valor social e tamén económico que estas entidades achegan á sociedade.
A Fundación Barrié asume integramente o custo das 65 prazas que se ofertan nesta convocatoria e que se distribúen en varias liñas de apoio.
Seguir lendo na fonte da noticia...
[1]