Blappy, o whatsapp para persoas con discapacidade visual e auditiva

Pregúntaste cal é a maneira máis rápida na que se poden comunicar as persoas con discapacidade visual e auditiva entre eles? Hoxe coñecemos unha das apps que mellor comunica a persoas con este tipo de discapacidades, BLAPPY.

En España hai preto dun millón de persoas que teñen discapacidade visual e ao redor doutro millón que teñen discapacidade auditiva, segundo o Centro Español de Subtitulado e Audiodescripción (CESyA) [3]. Por iso, investigadores desta institución, xestionada pola Universidade Carlos III de Madrid (UC3M) [4], desenvolveron Blappy [5], unha aplicación gratuíta para smartphones que permite a comunicación por chat entre dúas persoas con diversidade funcional.

Blappy, é unha aplicación que se pode baixar libremente en Android, que mediante conexión bluetooth entre dous dispositivos móbiles permite conversar ben textualmente, ben por mensaxes. O seu creador, Adrián Baeza, definiuna como “unha ferramenta que permite o diálogo cando os interlocutores non comparten a mesma canle de comunicación, xa sexa por diversidade idiomática ou por diversidade funcional”. Para iso converte mensaxes de voz en texto e viceversa.

Ademais, tamén ofrece a posibilidade de incluír imaxes con alto contraste, facer zoom na pantalla e é compatible co servizo de accesibilidade TalkBack, deseñada por Google para discapacitados visuais.

Personaliza as túas Comunicacións

• O modo de vista normal (con tons azuis) ou no alto contraste (branco, amarelo e negro).
• Configuracións de axustes do chat como o tamaño da fonte, o modo de notificacións, o fondo de pantalla elixido…
• Variables que se gardan se é a primeira vez que se executa a app.
• Modo de inicio da aplicación co tutorial ou sen el.
• Incorporación do botón “Home” na barra superior de navegación en todas as pantallas de axustes e da sección axuda para volver ao menú principal e facilitar a navegación.
• Engadido ao menú superior, a opción de borrar a conversación.
• Selección continúa do foco na caixa de texto para o envío de mensaxes e apertura automática do teclado.
• Borrar conversacións individualmente desde o propio chat ou desde a sección de conversacións gardadas, ou na pantalla principal mediante pulsación longa.