O Concello de Cabanas crea dúas aulas multimedia no antigo consistorio

O Concello de Cabanas (A Coruña) vén de crear dúas aulas multimedia na antiga casa consistorial [3]. Os novos espazos foron dados a coñecer polo alcalde, Germán Castrillón, quen informou que se trata de dúas estancias equipadas “coas últimas tecnoloxías” que requiriron, para o seu acondicionamento (derrube de tabiques, ampliación de superficie útil, achega de equipamento TIC de alumeado), dunha intervención orzamentada nuns 59.000 euros co-financiados por AGADER e a Consellería de Cultura. Coas dúas aulas multimedia, sinalou o rexedor, potenciarase a actividade do inmoble, até o de agora sede da Escola Municipal de Música. A intención do Concello é entrar á formar parte da Rede CeMIT de Galicia nos vindeiros meses e iniciar a achega de accións formativas no eido da alfabetización dixital e do emprendemento. 

As novas aulas están emprazadas no primeiro andar e, segundo engadiu Castrillón son cen por cen accesibles. A primeira sala conta con 13 CPU con monitor LED, impresora láser, proxector de vídeo, equipo de son con altofalantes, pantalla de proxección, cámara motorizada para vídeo-conferencias, mesas de aula e cadeiras. A segunda, concibida como complementaria da primeira, é unha aula multiusos con mesa para reunións, cadeiras, CPU con monitor LED e armario. Por último, o Concello tamén dotou o inmoble dun sistema de alarma para garantir a súa seguridade