Dispositivos conectados para un Camiño de Santiago accesible para todos

• Este domingo, 35 persoas con discapacidade culminou cinco días de percorrido do Camiño de Santiago en bicicletas adaptadas e utilizando dispositivos conectados que fixeron máis accesibles as etapas da ruta de peregrinación

Esta experiencia, que leva realizándose desde 2004 da man da "Fundación También [3]", contou nesta ocasión co apoio de Telefónica IoT [4], que facilitou a tecnoloxía. Estes dispositivos permitiron aos coordinadores do programa seguir aos participantes en tempo real desde unha web ou App e poderán saber, no caso de que os grupos se dispersen polo camiño, como de lonxe van, por diante ou detrás, para reunilos a todos.

Xeolocalización e información accesible

Ademais, a través desta mesma App todos os peregrinos puideron ter a súa bitácora de viaxes e compartir fitos e fotos do percorrido, coa solución de Xeogestión de Telefónica IoT. Adicionalmente, grazas á solución de Xestión de Frotas, os coches que trasladaron aos voluntarios e participantes diariamente ata o punto de partida da etapa, incorporaban un dispositivo de xeolocalización.

Este dispositivo facilita información sobre a súa localización exacta, tempo de desprazamento, localización respecto dos puntos máis importantes do percorrido (talleres, hostais ou tendas), o que permite aos coordinadores solucionar de forma mais áxil as incidencias que puidesen xurdir e así xestionar mellor a loxística do Camiño.