O voluntariado e a súa contribución ao envellecemeento, a debate en Vigo

En menos de 50 anos, un de cada tres españois terá 65 ou máis anos (o 34,6 % da poboación en 2066 segundo proxeccións do Instituto Nacional de Estatística (INE). Hoxe este colectivo xa representa case un 20 % de toda a poboación e supera ao segmento dos menores de idade. Este envellecemento irá acompañado do aumento da taxa de dependencia e de problemas como a soidade non desexada, factor de risco para a saúde física e mental.

Ante estas perspectivas de lonxevidade e co fin de previr o seu impacto negativo no benestar das persoas maiores e a sociedade en xeral, é imprescindible ofrecer respostas coordinadas entre as institucións públicas, as entidades científicas e profesionais e o conxunto da cidadanía. Voces de todos estes ámbitos profundarán nas múltiples posibilidades que ofrece o voluntariado.

Será na I Xornada "Cidadanía e vellez en Galicia: o voluntariado e as persoas maiores. Oportunidades e sinerxias", que organizan a Sociedade Galega de Xerontoloxía e Xeriatría (SGXX) e Amigos dous Maiores (delegación en Vigo da ONG Fundación Amigos dos Maiores) o mércores 27 de setembro en Vigo, na sede de Afundación.

A xornada vai dirixida especialmente a profesionais ligados á saúde, xeriatría, xerontoloxía e servizos sociais, así como a calquera cidadán interesado en voluntariado e en persoas maiores. A inscrición é gratuíta e realízase na web da xornada amigosdosmaiores.org/vigo2017 [3], onde pode consultarse o programa completo.

Beneficios do voluntariado
O voluntariado, ademais de supoñer unha experiencia interxeracional e un enriquecemento persoal para os seus participantes, é unha ferramenta cidadá e colaborativa que contribúe a un envellecemento de calidade: favorece a autonomía, participación, inclusión e desenvolvemento persoal e social das persoas maiores, paliando a soidade non desexada e os seus efectos na saúde.

Este encontro nace como espazo de debate profesional e científico que analizará como o envellecemento e os actuais retos demográficos e sociais afectan á vida de toda a poboación, non só das persoas maiores. E abordarase desde Galicia, unha das sete rexións máis envellecidas de Europa e onde a poboación maior supera o 23 %, con provincias como Lugo e Ourense por encima do 30 %.

Expertos internacionais e locais
Nesa procura de propostas participará...

Accede aquí á noticia completa [4]