VIsualfy permite que o smartphone escoite por ti

• A compañía Visualfy está a desenvolver un sistema para o fogar que recolle e recoñece os sons e avisa mediante o smartphone ao usuario sobre o que se oe na súa casa

Este revolucionario sistema de avisos funciona cunha serie de micrófonos incorporados a enchufes que se distribúen por todo o fogar e un dispositivo central, que tamén incorpora un micrófono, e que é o que procesa a información sobre o ruído captado e a traduce aos smartphones ou a calquera dispositivo intelixente, como unha televisión, un reloxo ou unha pulseira.

Este sistema recoñece os sons que o usuario configure, como pode ser o timbre de casa, a alarma de incendios ou o pranto dun bebé, e asígnalle un aviso personalizado.

Estes avisos poden ser unha serie de vibracións e uns escintileos de distintas cores, de maneira que o usuario con discapacidade auditiva pode recoñecer os sons que hai no seu fogar.