O Congreso Internacional de Tecnoloxía e Turismo para Todos abre o seu chamamento de comunicacións

A Fundación ONCE [3] abriu o chamamento de comunicacións do Congreso Internacional de Tecnoloxía e Turismo para Todos que se celebrará en Málaga do 27 ao 29 de setembro. Centros de investigación e tecnoloxía, entidades públicas e privadas, universidades e empresas interesadas en enviar a súa proposta de comunicación, poden facelo ata o 15 de xuño a través do portal Discapnet [4].

Baixo o lema ‘Accesibilidade 4.0', o encontro abordará, entre outros temas, as tecnoloxías e servizos de acceso á información e a comunicación; a interacción persoa máquina; os produtos de apoio, e a teleasistencia e o telecuidado como consecuencia da prolongación da vida activa.

Espazo para a Smart City

O encontro da Fundación ONCE tamén tratará o uso das tecnoloxías para promover a Smart City, para mellorar a aprendizaxe e para dar solución a cuestións como o turismo accesible. Tamén haberá espazo para mostrar o fogar dixital e seguir apostando pola vida independente; o emprego da robótica para favorecer a autonomía persoal, e a innovación para garantir o transporte de todas as persoas.

O Congreso Internacional de Tecnoloxía e Turismo para Todos celebra así a súa segunda edición, fusionando nun mesmo evento DRT4ALL (Deseño, Redes de Investigación e Tecnoloxía para Todos) e Turismo para Todos.