[1] Como continuación dos vídeos sobre o uso do WhatsApp, a Fundación Vodafone España lanza unha nova colección de vídeos para persoas maiores centrada, nesta ocasión, no uso de Facebook, a rede social que máis utilizan.
Estes novos tutoriais, un total de nove vídeos formativos do mesmo xeito que os que xa coñecedes de WhatsApp son presentados por Belén e Carlos, están dispoñibles, por agora, en YouTube nunha lista de distribución independente á que se pode acceder con tan só introducir as frases “Curso Facebook para maiores Fundacion Vodafone ou Curso #FacebookMayoresConecta2 [3]” e pronto tamén na web www.fundacionvodafoneconlosmayores.com [4]
Os seus contidos abarcan desde a instalación e configuración no smartphone, pasando por cuestións básicas e esenciais de privacidade a ter en conta, a como crear publicacións ou reaccionar e compartir as publicadas por amigos. Así mesmo os tutoriais ensinan como interactuar con persoas cos mesmos intereses a través dos grupos de Facebook.
A iniciativa enmárcase no compromiso da Fundación Vodafone España por dar a coñecer as TIC e as súas utilidades entre as persoas maiores dado que son un aspecto clave para promover a participación, a vida independente e o envellecemento activo.
Ligazóns:
[1] https://voluntariadodixital.xunta.gal/sites/default/files/images/novas/img_nova_6909.jpeg
[2] https://voluntariadodixital.xunta.gal/javascript:history.back()
[3] https://www.youtube.com/results%3fq%3d%2523FacebookMayoresConecta2
[4] http://www.fundacionvodafoneconlosmayores.com/