Samsung entrega 100.000 euros para a loita contra o cancro grazas ás descargas da app cuidAPPlas

• Como peche do proxecto solidario da app cuidAPPlas, Samsung entregou a FECMA o cheque simbólico cunha doazón de 100.000 euros, recadados grazas ás descargas desta aplicación, que a organización destinará integramente á investigación contra o cancro de mama e á concienciación social sobre esta enfermidade, que afecta anualmente a máis de 26.000 mulleres en España.

Celestino García, vicepresidente corporativo de Samsung España, foi o encargado de entregar o cheque a Toñy Gimón, representante da Federación Española de Cancro de Mama (FECMA). “Aproveitando a familiaridade das mozas novas cos dispositivos móbiles, o noso propósito foi apoiar que unha app proporcione información útil e práctica sobre hábitos saudables, avalada polos expertos na loita contra o cancro de mama, e contribuír á detección precoz da enfermidade”, declarou Celestino García.

Co apoio de Samsung e a colaboración da Sociedade Española de Oncoloxía Médica (SEOM), FECMA desenvolveu a aplicación móbil informativa cuidAPPlas, avalada polo Grupo GEICAM de Investigación en Cancro de Mama, cuxo obxectivo é achegar ás mulleres os hábitos de vida saudables e as principais recomendacións para a detección precoz do cancro de mama. A app cuidAPPlas permite ás usuarias seguir e rexistrar as súas citas xinecolóxicas, os resultados das revisións e mamografías, as datas do período menstrual, etc.

A actriz Miriam Giovanelli, unha das protagonistas do proxecto SMARTgirl by Samsung, exerceu como madriña da app para axudar a incrementar as descargas e concienciar ao público feminino sobre a prevención e a detección precoz do cancro de mama. O modelo rosa de Samsung Galaxy S7 edge foi así mesmo o smartphone imaxe da iniciativa.

CuidAPPlas está dispoñible para a súa descarga en Google [3]Play [4], Galaxy Apps [5] e App Store [6].