Coñece as oportunidades de negocio que ofrecen os contidos dixitais no evento DICO Summit

O evento ten por obxectivo amosar aos ​profesionais galegos as oportunidades que supoñen as ​novas ​tendencias tecnolóxicas e modelos de negocio vencellados aos contidos dixitais. O mesmo está dirixido maioritariamente a profesionais dos sectores económicos galegos, creativos e emprendedores. 

DICO Summit dividirase en catro actividades complementarias que se desenvolverán ao longo das dúas xornadas:

• Conferencia: ​os asistentes poderán desfrutar de paneis e intervencións nas que entidades estratéxicas do ámbito europeo exporán a súa visión sobre os contidos e a transformación dixital; o novo concepto de televisión e plataformas audiovisuais, os videoxogos, as tecnoloxías de base ou os casos de éxito en determinados campos da economía dixital centrarán esta parte da actividade.
• Showroom: contarase cun espazo de exhibición, ou showroom, no que os asistentes poderán coñecer de primeira man parte das tecnoloxías que marcarán o futuro dos contidos dixitais e as súas aplicacións prácticas
• Networking: haberá tamén tempo para que as empresas asistentes conversen entre elas a través dun espazo dedicado á conversa entre empresas e ao coñecemento mutuo.
• Concurso de ideas: impulsarase o talento local a través do concurso de ideas “En busca do talento dixital” no que se premiarán ideas relacionadas con novos proxectos no eido dos contidos dixitais, actividade da que se dará máis información proximamente.

Para facilitar as últimas novidades sobre o evento, lánzase o sitio web oficial da iniciativa, que pode consultarse no enderezo http://dicosummit.gal [3]; a información está dispoñible en galego, castelán e inglés. Do mesmo xeito, todos os interesados poderán seguir as últimas novidades sobre o evento a través das redes sociais dos organizadores, onde irán aparecendo novas sobre as importantes entidades e profesionais que terán presencia no evento. A inscrición ás actividades abrirase a comezos do novo ano; do mesmo xeito, a web irase actualizando coas intervencións confirmadas.

As entidades interesadas nesta iniciativa, ben sexa como asistentes ou procurando un papel más activo, poden poñerse en contacto coa organización a través do enderezo electrónico info@dicosummit.gal [4]; ademais, todos os interesados poden inscribirse na lista de distribución de novidades [5] para recibir actualizacións no seu correo.