Intelixencia artificial para o seguemento de persoas dependentes

Care Respite, é o nome dun novo sistema de intelixente de seguimento de persoas dependentes, que foi desenvolvido por investigadores de Centro de Visión por Computador (CVC), a Universidade Autónoma de Barcelona (UAB), a Universidade de Barcelona (UB) e a Oberta de Catalunya (UOC), xunto coa empresa Acceplan.

Segundo explican os seus creadores, trátase dun dispositivo baseado en tecnoloxía de visión por computador e intelixencia artificial que permite capturar imaxes da persoa dependente 'aínda que mantendo o anonimato visual', analizar a situación e a posición e, en caso de percibir unha situación de risco, activar un sistema para avisar inmediatamente ao coidador a través dunha app.

O sistema busca mellorar a calidade de vida dos coidadores apoiándoos na súa tarefa. Segundo datos do Instituto de Estatística de Cataluña e a última Enquisa Nacional de Saúde de España, en Cataluña hai 1,3 millóns de persoas de máis de 65 anos, o 46% das cales teñen algún tipo de dependencia e necesitan axuda para o coidado persoal, as tarefas domésticas ou a mobilidade.

"Esta axuda normalmente realízana familiares directos da persoa dependente, que dedican entre seis e oito horas diarias ou máis ao seu coidado, o que lles supón unha gran carga física e emocional, que afecta á súa saúde. Neste sentido, mediante o uso de Care Respite os coidadores poderán proporcionar unha mellor atención e ao mesmo tempo mellorará a súa propia calidade de vida", explica Sergio Escalera, investigador do CVC e a UB.

Care Respite componse dunha cámara capaz de captar imaxes de día e de noite e de micrófonos e altofalantes que permiten capturar o son da habitación, para que a persoa dependente se poida comunicar co coidador simplemente falando, sen necesidade de utilizar ningún outro dispositivo. Unha aplicación móbil conectada ao sistema permite ao coidador personalizalo, recibir alarmas e visualizar o comportamento da persoa dependente. A aplicación xera avisos cando se detectan situacións de risco, tales como caídas ou accións fóra da normalidade, e tamén no caso de que o sistema quede inoperativo por falta de conexión a Internet ou de enerxía eléctrica.

Segundo o investigador da UOC Xavier Baró, "na actualidade os sistemas máis frecuentes para o aviso en caso de accidente no fogar están baseados ''en pulsadores de emerxencia ou en protocolos de seguimento telefónico das persoas. O primeiro sistema require a acción directa da persoa que sufriu o accidente, e a necesidade de levar sempre o dispositivo encima. No segundo caso, o tempo de actuación pode ser moi longo, aumentando as complicacións en caso de accidente. En cambio, Care Respite permite unha monitorización non invasiva, cun custo reducido e a utilización do sistema en condicións de pouca luz ou na escuridade. Ademais, este novo dispositivo permite preservar a intimidade das persoas monitorizadas, xa que só mostra a súa silueta".

Este proxecto naceu hai dous anos por mor dun laboratorio de ideas organizado polo Parcque de Investigación da UAB para que investigadores, usuarios e empresas traballasen xuntos para propor solucións e melloras para facer fronte ao envellecemento da sociedade.

Prototipo de proba

Neste laboratorio, xurdiu a idea e formouse o equipo que desenvolveu Care Respite. O proxecto ha ir madurando  e xa se fabricou un prototipo que pronto se empezará a probar en domicilios particulares e residencias da terceira idade. "Temos previsto empezar a comercializar o produto a finais do 2016", destaca Martha Mackay, da empresa Acceplan.

"Por iso, a intención é crear unha empresa spin-off que se encargue de transferir á sociedade o coñecemento xerado nas universidades, para ofrecer un produto tecnolóxico que dea resposta ás necesidades tanto das persoas dependentes como dos seus coidadores", engade Jordi González, investigador do CVC e a UAB.

Recentemente, este proxecto foi seleccionado polo programa CaixaImpulse, unha iniciativa da Obra Social "la Caixa" para impulsar a transformación do coñecemento científico en empresas e produtos do campo das ciencias da vida e a saúde que xeren valor na sociedade. Este premio axudaralles a sacar adiante a empresa, grazas a unha dotación económica de 50.000 euros, formación a medida e asesoramento.