[1] A empresa abulense Ildesoft gañou o premio que outorga a plataforma Spotcap de crédito online para pemes e autónomos, polo desenvolvemento en España de robots educativos para nenos procedentes de Estados Unidos.
Segundo o gañador, Javier Ildefonso, descubriu en Estados Unidos uns robots educativos para que os nenos puidesen aprender a programar mentres xogan e empezou a desenvolver o proxecto en España, para o que abandonou o seu posto de directivo nunha multinacional americana.
"O salto era importante, pero estaba decidido, era o momento de saír da miña zona de confort e aceptar este novo reto", explicou. O concurso competiSÍon elixiu o proxecto do abulense entre as 31 iniciativas presentadas.
Ildesoft desenvolveu no mercado español a Dash & Dot, dous robots educativos para nenos entre 5 e 12 anos.
"Nun período de plena creatividade e descubrimento, este xoguete achega aos nenos e nenas unha ferramenta que permite o desenvolvemento de capacidades cognitivas como programación informática, control matemático, música, e habilidades artísticas", explicou.
O xurado estivo formado por Javier Pemau, experto en emprendemento e Director Xeral de AJE Madrid; Lourdes Marín, xornalista de 'El Economista'; Rodolfo de Juana, coordinador editorial de 'Muy Pymes'; e Diego Bestard, experto en finanzas e Director Xeral de Spotcap España.
Ligazóns:
[1] https://voluntariadodixital.xunta.gal/sites/default/files/images/novas/ildesoft.jpg
[2] https://voluntariadodixital.xunta.gal/javascript:history.back()