Securykid, unha pulseira 'innovadora e pioneira' que garante a seguridade dos nenos

Onte presentouse Securykid, unha pulseira 'innovadora e pioneira' que garante a seguridade dos nenos e incrementa a tranquilidade dos pais. Desenvolvido pola compañía española SecuryLife, o produto é un complemento de moda pertencente a Peppa Pig, a famosa serie para o público infantil.

A pulseira funciona coa tecnoloxía Bluetooth 4.0, pensada principalmente para espazos ao aire libre, moi útil porque mostra a temperatura ambiente e os posibles riscos que leve para os menores. Ten recursos tecnolóxicos que permiten conectala co móbil (a través dunha aplicación gratuíta), ademais de diferentes avisos pensados para o control do menor que a leve: a alarma de distancia, que indica cando o neno se afasta entre 15 e 35 metros e a alerta mergullo, para cando un neno caia á auga; a pulseira, naturalmente, non se dana ao mollarse. Calcula radiacións a través dun sensor de raios ultravioleta, que controla se se estivo demasiado exposto ao sol. Para incluír información necesaria, como os números de teléfono, Securykid utiliza o código BIDI. O produto, ao ser eléctrico, necesita unha batería que dura unha semana e é recargable.

Ao tratarse dun complemento de moda oficial de Peppa Pig, ten un deseño adecuado para os nenos, que 'non se dan conta da parte tecnolóxica e contémplana cun elemento que lles gusta levar con eles'. Axustable cun potente velcro e unha fibela, desde Securykid recoméndase o seu uso para menores de 2 a 6 anos. O produto comercialízase a través de Amazon, enviándoo a países como España, Francia, Alemaña, Italia e o Reino Unido.