Os robots que nos axudarán (e nos quitarán o traballo) nun futuro

Poida que algún día o home evolucione a cíborg, pero de momento son as máquinas as que están a evolucionar. Mentres algúns dos robots máis avanzados do mundo están a centrarse en aprender a subir escaleiras ou en facer karate, a tecnoloxía segue facendo das súas. É máis, chegará un momento no que estes dispositivos serán capaces de ocupar os nosos postos de traballo e mesmo de arrebatárnolos.

O primeiro deles chámase Baxter e pode ser programado para realizar unha serie de tarefas manuais complexas dentro dunha liña de montaxe. Do mesmo xeito que a un simio, tan só hai que ensinarlle como se fai e posteriormente copiará as accións. Este robot podería provocar que os humanos só tivesen que estar na empresa para ensinar a estes dispositivos como funcionan as cousas.

O segundo deles chamado RoboKind's Milo foi deseñado para axudar aos nenos con autismo a comprender os sinais sociais e as emocións. Este dispositivo tamén pode ser usado para dar clases de ioga ou para coidar anciáns.
Imaxínaste entrar nunha tenda e que o dependente sexa un robot? Na tenda Orchard Supply Hardware de San José (California) xa é posible. O robot que se despraza sobre cinco rodas recibe aos usuarios na porta dun comercio e pregúntalles que necesitan. Un dispositivo que, sen dúbida, pódese converter nun dos mellores dependentes do futuro.

Outro dos robots que chegou para quitar traballo aos profesores foi Musio. Este dispositivo vólvese máis intelixente canto máis falas con el. Musio é unha creación da compañía AKAStudy, especializada en aprendizaxe de máquina e procesamiento da linguaxe natural, e logrou reunir xa máis de 16.000 dólares na plataforma Indiegogo. Grazas á tecnoloxía de "deep learning", o pequeno androide pode establecer conversacións en linguaxe natural e lembrar datos craves dos seus usuarios, para así crear unha contorna interactiva de aprendizaxe, óptimo para o ensino de idiomas.

Os Policías deberían de ter medo ao RoboCop de Dubai, un robot que nun futuro pode chegar a quitarlles o traballo.  A policía de Dubai anunciou hai apenas un mes os seus plans de lanzar o seu primeiro robot intelixente. Este robot será capaz de patrullar as rúas dentro de dous anos e converterase nun membro máis das filas policiais da cidade dos Emiratos Árabes.