DOWN España e Fundación Vodafone España presentaron a II edición de “Yo me prep@ro”

DOWN España e Fundación Vodafone España presentaron a segunda edición do programa 'Yo me prep@ro', un programa de formación en TIC para mozos e adultos con Síndrome de Down e discapacidade intelectual dirixido á inserción laboral en empresas ordinarias.

O obxectivo do proxecto é proporcionar ás persoas con discapacidade intelectual as ferramentas e estratexias necesarias para facilitarlles o acceso ao emprego a través das diferentes tecnoloxías implantadas na sociedade: acceso a Internet, uso do computador, acceso a redes bancarias informatizadas, comunicación a través da telefonía móbil ou fixa, consultas en organismos públicos, etc...

Na rolda de prensa interviñeron:

• Jesús Celada, Subdirector Xeral de Participación e Entidades Tuteladas do Ministerio de Sanidade, Servizos Sociais e Igualdade do Goberno de España.
• Santiago Moreno, Director Xeral de Fundación Vodafone España.
• José Fabián Cámara, Presidente de DOWN ESPAÑA.
• Pedro Martínez, Director Técnico do Proxecto 'Yo me prep@ro'.
• Susana Polo, moza con síndrome de Down que completou o primeiro ano do programa de formación laboral.