Impresión 3D no MIT

Coma se da película de 'Terminator 2' e do seu androide do futuro T-1000 se tratase, un equipo de científicos da firma Carbon3D de Silicon Valley (EE.UU.) conseguiu, mediante un novo sistema, acelerar a impresión en 3D grazas a introdución dun medio líquido no proceso. O traballo foi publicado na revista Science.

Esta nova tecnoloxía bautizada como CLIP (Continuous Liquid Interface Production) permite imprimir os obxectos en 3D até 100 veces máis rápido que o actuais sistema de impresión en 3D. O seu funcionamento baséase en manipular a luz e o osíxeno para fusionar obxectos en medios líquidos; é, por tanto, a primeira que utiliza a fotoquímica sintonizable en lugar do enfoque de capa por capa para a impresión 3D.

Como funciona' Basicamente mediante a proxección de feixes de luz a través dunha xanela permeable ao osíxeno nunha especie de resina líquida. O resultado é un obxecto cun nivel de detalle exquisito que dá aos obxectos un acabado perfecto na súa forma e sen fracturas no interior e de até 20 micras de grosor (moito máis delgado que unha folla de papel).

'Esta tecnoloxía permite a fabricación dun obxecto polimérico 3D en cuestión de minutos ou horas en lugar de días, o que abre a porta aos stents coronarios personalizados, implantes dentais ou próteses impresas baixo demanda nunha contorna médica', explica Joseph DeSimone, creador da nova impresora.

Estamos ante o inicio da produción masiva de obxectos impresos en 3D? Pronto o veremos.