Volven as xornadas InspiraTICs

O próximo día 5 de marzo celébrase nas dependencias do Museo Santiago Rey Fernández-Latorre, situado nas instalacións de La Voz de Galicia en Sabón, Arteixo, o segundo encontro InspiraTICs, que conta cunha sesión central dedicada a abordar a comunicación dos proxectos e tres talleres formativos -un profundando na presentación de programas de forma atractiva-, todos organizados desde a activa Plataforma Proxecta, a iniciativa educativa que promoven conxuntamente as fundacións Amancio Ortega e Santiago Rey Fernández-Latorre.

Co esclarecedor subtítulo Para que os teus alumnos atendan, entendan e aprendan, o encontro InspiraTICs ten como obxectivo informar e formar aos profesores galegos nas novas maneiras de ensinar, utilizando a tecnoloxía na aula e adaptando as correntes didácticas que teñen éxito en diferentes partes do mundo. Os profesores que o desexen poden acudir a esta xornada de tres talleres, que se desenvolverá de 15.30 a 17.30, só deben inscribirse antes do 2 de marzo na web (plataformaproyecta.org).

A xornada inaugurarase coa charla de Paco Rodríguez, consultor e formador de comunicación: Ferramentas imprescindibles para comunicar mellor, unha guía para presentar proxectos. Despois, haberá tres talleres simultáneos, aos que os profesores poden acudir libremente; como se repiten, cada asistente ten a opción de participar en dúas.

A utilidade de vídeos e cinema

As opcións son: Os clips de vídeo como ferramentas educativas aplicados ás Ciencias Sociais, a cargo de Manolo González, profesor de Historia no IES Concepción Arenal de Ferrol, que explicará como aproveitar os vídeos e o cinema para espertar o interese dos alumnos; The Flipped Classroom: os deberes, a clase, de Joan Padrós, profesor do Centro de Formación de Adultos Palau de Mar (Barcelona), quen deu a volta á tortilla e os seus alumnos len en casa e fan os deberes en clase, onde se consultan as dúbidas; e Como preparar os teus proxectos para espertar interese. de Paco Rodríguez, para que os profesores saiban deseñar e desenvolver proxectos que poidan defender ante os claustros ou nos premios.

Requisitos. Participar é gratis e só ten dous requisitos: ser profesor e inscribirse antes do 2 de marzo na web de Proxecta.

A cita. É o xoves 5 de marzo de 15.30 a 17.30 horas no Museo Santiago Rey Fernández-Latorre, no recinto da Voz, en Sabón (Arteixo). Información e inscricións, www.plataformaproyecta.org [3].

Repartirán 20.000 euros entre as ideas mellores para a aula

O traballo da Plataforma Proxecta é dobre: formar e servir de foro de debate (nos encontros InspiraTICs) e premiar as mellores propostas para a aula. Este último é o obxectivo do segundo Concurso Proxecta Innovación. Este ano ademais duplicouse a contía dos premios: 20.000 euros. Non hai unha cantidade de galardóns determinada, senón que de entre o dez proxectos finalistas decidirase cales merecen ser levados á práctica. Porque esta é o obxectivo final do concurso: converter os soños e ideas dos profesores en algo real.

As bases, que do mesmo xeito que as inscricións están na web do programa, indican que o proxecto a presentar ten que incluír o uso de tecnoloxía nas aulas, pero ademais, valoraranse outros aspectos: o efecto do proxecto na aprendizaxe de alumnos a curto, medio e longo prazo; o papel activo dos estudantes no seu deseño e implantación; a viabilidade da iniciativa e independencia económica a medio e longo prazo; a posibilidade de exportar a idea a outros centros educativos; a versatilidade do proxecto para que se poida adaptar a distintas contornas tecnolóxicas, e non dependa dun único software, por exemplo; e o número de profesores, etapas e departamentos do centro que estarán implicados.

O prazo de presentación acaba o 17 de abril e o 15 de maio saberase cales son o dez finalistas.

Máis información na web www.plataformaproyecta.org [3]