Telefónica xoga aos LEGO co Internet das cousas

Telefónica I+D presentou a súa primeira solución comercial no ámbito da Internet das cousas (IoT nas súas siglas en inglés) chamada Thinking Things, unha colección de dispositivos modulares que se poden conectar entre si da mesma forma que unha estrutura LEGO.

É unha solución 'plug and play' que permite a súa utilización a usuarios que non teñan coñecemento algún de programación e sen habilitar infraestrutura adicional. Os dispositivos de Telefónica I+D divídense en catro tipo de módulos:

• o de comunicación, que envía os datos recollidos polos sensores facendo uso da rede GSM (2G) a través dun tarxeta SIM integrada no seu interior;
• os módulos de sensores, entre os que se inclúen sensores de ambiente, de presenza, ou GPS;
• os módulos de posta en marcha, formados por un módulo de notificacións con luces e vibracións e un enchufe intelixente que permite encende e apagar os dispositivos conectados a través da web ou a 'app';
• e o módulo de enerxía, que dá autonomía aos módulos até un mes.

Os módulos pódense controlar a través dunha plataforma accesible desde a web como desde unha aplicación e pódense programar diferentes accións en función dos rexistros dos módulos.

Thinking Things utiliza un 'hardware' aberto desenvolvido en colaboración con Arduino, conectividade 2G dispoñible en Europa, Estados Unidos e Latinoamérica. Ademais unha API para que os desenvolvedores poidan crear as súas propias solucións de IoT e ampliar as posibilidades dos módulos.

"Este é un primeiro paso na viaxe de Telefónica no ámbito da Internet das cousas. O obxectivo é avanzar cara a Thinking Things Open entendido como un compoñente que, incorporado a calquera produto, o dote de conectividade e chegar así a unha contorna na que a práctica totalidade dos obxectos estean conectados".

O primeiro pack de Thinking Things que vai comercializar Telefónica é o pack ambiental, composto por un conxunto de módulos que permiten monitorizar -en tempo real e remoto-, e automatizar tarefas relacionadas coa temperatura dun determinado lugar, a humidade ou a intensidade da luz.

O pack ambiental, que xa está dispoñible, inclúe o módulo con sensor de ambiente, o de batería e o de comunicación e ten un prezo distinto en función dos meses de conectividade que se contraten. Se se opta por unha tarifa de seis meses, o pack terá un prezo de 89,95 euros; pero se se opta por un plan de conectividad dun ano, será de 99,95 euros.