O galego Nacho Mirás faise co recoñecemento de mellor blog persoal dos Premios 20Blogs

Onte á tarde celebrouse a gala de entrega dos Premios 20Blogs 2014 [3]no auditorio do CaixaForum en Madrid, resultando especialmente destacada nesta oitava edición destes galardóns o blog de xornalismo feminino Goldman Sachs is not an aftershave [4], elixido como mellor bitácora de 2013.

Estes premios que entrega o Grupo 20minutos contan cun grande recoñecemento do público, premiando nesta edición a 21 cadernos de Internet entre os que podemos destacar Quiero ser creador de videojuegos [5]na categoría de videoxogos, Territorio Abandonado [6]na categoría de multimedia e microblogs, Scientia [7]na categoría de ciencia, tecnoloxía e Internet, e, moi especialmente, Rabudopuntocom [8], o blog do xornalista galego Nacho Mirás, que coa narración da súa loita contra o cancro conseguiu o recoñecemento de mellor blog persoal de 2013.