iTherm, o termómetro para nenos que se controla dende o 'smartphone'

O español Marcos Oliva presentado un termómetro para nenos que funciona dende o 'smartphone' na web de 'crowdfunding' Indiegogo. Se o proxecto consegue o financiamento necesario, en setembro comezarían os envíos deste 'gadget' que custará 30 euros.

iTherm [3]é un conxunto dun brazalete inarámico e unha 'app' para o teléfono intelixente. O funcionamento deste termómetro é do máis sinxelo: cando un neno enferma, os seus pais colócanlle o brazalete e o 'gadget' monitoriza a temperatura e a mostra no 'smartphone'. Ademais, a 'app' permite configurar alarmas cando a temperatura do neno suba por enriba do normal.

Toda a información recollida por iTherm queda rexistrada nunhas gráficas nas que se mostra a evolución da temperatura ao longo das horas para poder contrastala cun pediatra, axudando ao diagnóstico e tratamento da enfermidade.

Marcos Oliva explica no vídeo de presentación do seu proxecto que a idea deste novo 'gadget' lle xurdiu cando o seu primeiro fillo se puxo enfermo por primeira vez e el e a súa muller fixeron quendas para ver como evolucionaba o bebé. Este termómetro para o 'smartphone' está destinado para nenos un a oito anos, aínda que o seu creador explica que se pode seguir utilizando "mentres o brazo do neno caiba no brazalete".

O proxecto está á espera de de conseguir os 29.000 dólares que fixaron como meta para poder cubrir os gastos de certificación e custos de produción. Se iTherm consegue esa cantidade de diñeiro, poderá facer fronte ao obxectivo inicial fabricar 1.000 brazaletes e comezar cos envíos en setembro deste ano. Nun día conseguiron recadar 340 dólares, pero aínda quedan 59 días restantes.

Oliva asegura que xa construíron o primeiro prototipo e que a 'app' é compatible con iOS e Android. O prezo do 'gadget' será de 30 euros, aínda que dependerá da zona de envío.