O blog Xente Dixital recolle información da Xornada “Novos Perfís Profesionais na Era Dixital"

A principios de decembro celebrábase na Cidade da Cultura o Seminario “Novos Perfís Profesionais na Era Dixital”. A xornada estaba organizada pola Amtega e enmarcada dentro do Programa de Voluntariado Dixital. O obxectivo era amosar os novos perfís profesionais xurdidos do avance da economía dixital.

O evento contou co servizo de reportuiteo da xornalista Laura Camino á que entrevistaremos este mércores; no seu blog podedes enterarvos de todos os detalles do seminario. [3]

O primeiro en intervir foi o experto en marketing e redes sociais Juan Merodio [4] que aportou datos como que o 60% dos empregos nos próximos anos terá base dixital. Falou ademais da importancia de traballar a marca persoal, de construír o noso perfil profesional na rede a través da comunicación en blogs e redes sociais.

Na segunda parte da xornada [5] falouse de Marketing e Comunicación Dixital, Programación e Deseño Dixital. Na primeira das mesas participaron profesionais como José Alcañiz [6] que expuxo o concepto do inbound marketing: atraer ao cliente no lugar, no momento e co contido adecuados. Ao seu carón estaban Óscar Reboiras, detrás de @quecheparece (Twitter da compañía telefónica R) e David Serantes, responsable de Blog de Serantes. [7]

De programación falaron, entre outros, Fernando e Sergio Prieto, fundadores de Gato Salvaje Estudio, [8] empresa galega de produción de videoxogos. De introducirnos no mundo das apps móbiles encargáronse Xurxo Méndez (SmartGalApps) e Alberto Ruibal (Mobialia).

Daniel de Castro (DeCastro Designers), Pablo López (Hacce Soluciones TIC) y Alexandre Santorio (Duplo Studio) completaron a xornada coas súas reflexións sobre deseño dixital. Daniel de Castro opinaba que este é un sector no que “queda moito que facer”; Pablo López pola súa banda falou da páxina web como elemento imprescindible en calquera campaña de marketing, incidindo en que os obxectivos da mesma deben conseguirse de maneira rápida e sinxela.