A plataforma ‘Personas que’ incorpora o alzhéimer na súa plataforma online

En España preto de 1,2 millóns de persoas padecen alzhéimer, unha cifra que se ve representada por un 2,5% da poboación española. Por esta razón, 'Persoas que', plataforma dixital dirixida a todas aquelas persoas que conviven dunha forma ou outra coa enfermidade, incorpora o alzhéimer á súa lista de enfermidades dispoñibles. O principal obxectivo é contribuír á difusión desta enfermidade que afecta a 35 millóns de persoas en todo o mundo, e contribuír así a que as persoas que conviven con ela poidan levar un día a día máis doado.

Nesta ocasión 'Persoas que' pon a disposición dos seus usuarios dúas seccións: unha Comunidade onde as persoas poden interactuar con outras na súa mesma situación, consultar dúbidas e facerse membro de grupos con intereses comúns ou asociacións de pacientes; e Experiencias, un espazo onde os usuarios poden escribir artigos baseados nas súas propias vivencias ou ler o que outras persoas aprenderon da súa relación coa enfermidade.

O coidador: un papel principal

Diagnosticada por primeira vez en 1901 polo neuropsiquiatra alemán Alois Alzheimer, esta enfermidade afecta ás persoas que conviven con esta enfermidade e aos seus familiares. Sobre todo ao coidador principal, quen ve a súa vida cambiar de forma drástica. A persoa que se ocupa do coidado é sen dúbida o chamado paciente oculto, e tamén precisa atención e consello para diminuír a súa sobrecarga física e psicolóxica.

En 'Persoas que' gústanos falar da enfermidade dunha forma diferente. Por iso, nesta ocasión elaboramos un vídeo que pretende axudar ao coidador, mostrándolle que cousas debe evitar á hora de coidar dunha persoa enferma. Son 'Os 10 nuncas do alzhéimer*'.

Queres coñecelos?

Ver vídeo: www.personasque.es/alzheimer [3]

'Os 10 nuncas do alzhéimer' foron creados pola Asociación de Familiares de Persoas con Enfermidade de Alzheimer e outras Demencias de Valdepeñas (Afa Valdepeñas). Unha asociación de pacientes e familiares membro da Federación de Castela-A Mancha e da Confederación española de asociacións de familiares de persoas con alzhéimer e outras demencias (CEAFA).