CAUMAS e Fundación Vodafone formarán a maiores no uso de novas tecnoloxías a través do procecto 'Voluntarios Universitarios 2.0'

A Confederación Estatal de Asociacións e Federacións de Alumnos e Ex Alumnos dos Programas Universitarios de Maiores (Caumas) e a Fundación Vodafone España asinaron hoxe un convenio de colaboración para a execución do Proxecto 'Voluntarios Universitarios 2.0 para formar máis de 2.500 persoas maiores en novas tecnoloxías e achegalas ao uso de Internet a través dos smartphone e tablets.

O obxectivo prioritario é que coñezan mellor estas ferramentas para que poidan mellorar a súa calidade de vida en aspectos tales como o ocio e a comunicación, así como a través de aplicacións en mobilidade e redes sociais.

Á súa vez, o proxecto contempla como valor engadido que os voluntarios maiores universitarios que recibisen a formación a leven a persoas maiores de municipios que máis o necesiten.

O convenio, subscrito polo presidente de Caumas, Felipe Martín Moreno, e o director xeral da Fundación Vodafone España, Santiago Moreno, recolle a necesidade urxente de integrar as persoas maiores nas novas tecnoloxías e que se difunda non só nas capitais de provincia senón naquelas localidades nas que as persoas maiores adoitan ser máis remisas a estes avances. 

Os propios maiores, maestros tamén

Por este motivo, os mesmos maiores formarán os seus compañeiros co exemplo e as ensinanzas adquiridas previamente, o que supoñerá un aliciente ante aqueles con máis reticencias ás novas tecnoloxías e unha mellor comunicación entre eles.

Este proxecto ponse en marcha atendendo á necesidade das persoas maiores a incorporarse a esta era dixital nunha idade avanzada para seguir o rápido desenvolvemento das novas tecnoloxías, polo que se fai necesario transmitirlles a importancia da aprendizaxe do seu uso e os beneficios que, estar conectados, lles pode achegar.

O custo de aprendizaxe que lles supón é aínda importante, debido aos conceptos e terminoloxías que se manexan e cos que nos están familiarizados, ademais de que se require un grao non menor de participación e dedicación tecnolóxica.

Neste sentido, o proxecto pretende levar a cabo actividades de formación tanto 'on line' e 'on live' como presenciais. As primeiras faranse a través da comunidade social para maiores www.post55.es [3]e no portal www.universitariosenior.es [4], e a segunda a través de talleres. Galicia, Andalucía e Castela e León serán, en principio, as tres comunidades onde se formarán os maiores universitarios, coordinados dende as súas Federacións Universitarias de Maiores (Fegaus, Fadaum e Fasunex, respectivamente), que á súa vez elixirán os municipios que consideren máis axeitados dentro da súa comunidade autónoma para levar a formación adquirida.